ត្រៀមៗ! ដឹងទីតាំងផ្សារទំនើបលំដាប់ៗ៣កន្លែង កំពុងបំបែកខ្លួនទៅតាមខេត្ត-ក្រុង
- 2018-08-14 09:08:51
- ចំនួនមតិ 0 | ចំនួនចែករំលែក 0
ត្រៀមៗ! ដឹងទីតាំងផ្សារទំនើបលំដាប់ៗ៣កន្លែង កំពុងបំបែកខ្លួនទៅតាមខេត្ត-ក្រុង
ចន្លោះមិនឃើញ
គណៈកម្មាធិការវិនិយោគកម្ពុជានៃក្រុមប្រឹក្សាអភិវឌ្ឍន៍កម្ពុជា ហៅកាត់ថា (CDC) បានសម្រេចចេញវិញ្ញាបនបត្រចុះបញ្ជីជាស្ថាពរដល់ក្រុមហ៊ុនសាងសង់ផ្សារទំនើប និងមជ្ឈមណ្ឌលពាណិជ្ជកម្ម។ គម្រោងចំនួន៣នេះ បានប្រកាសសាងសង់នៅខេត្តសៀមរាប និងក្រុងប៉ោយប៉ែត រួមទាំងរាជធានីភ្នំពេញ ដែលមានទីតាំងដូចជា៖
១. ផ្សារម៉ាក្រូនៅខេត្តសៀមរាប
ក្រុមហ៊ុន Makro (Cambodia) Company Limited នឹងបង្កើតមជ្ឈមណ្ឌលពាណិជ្ជកម្ម (ផ្សារម៉ាក្រូ) ទី២ លក់ទំនិញភាគច្រើនពីប្រទេសថៃ នៅខេត្តសៀមរាប បន្ទាប់បើកទី១ ដោយជោគជ័យកាលពីឆ្នាំ២០១៧។ គម្រោងនេះ មានទីតាំងនៅភូមិគោកត្នោត ឃុំកន្តែក ស្រុកប្រាសាទបាគង ខេត្តសៀមរាប ជាមួយចុះបញ្ជីនូវទុនវិនិយោគប្រមាណជាង ១៨លានដុល្លារ និងអាចបង្កើតការងារបាន ១៧៩កន្លែង។
២. ផ្សារទំនើបនៅក្រុងប៉ោយប៉ែត
ក្រុមហ៊ុន MOONMA HENG CO., LTD សាងសង់គម្រោងសាងសង់មជ្ឈមណ្ឌលពាណិជ្ជកម្ម “ផ្សារទំនើប” និងសណ្ឋាគារលំដាប់ផ្កាយ៤។ គម្រោងវិនិយោគនេះ មានទីតាំងស្ថិតនៅភូមិក្បាលស្ពាន១ សង្កាត់ប៉ោយប៉ែត ក្រុងប៉ោយប៉ែត ខេត្តបន្ទាយមានជ័យ ជាមួយទុនវិនិយោគជាង ៦៨,២៩លានដុល្លារ និងអាចបង្កើតការងារបាន ៨៣៦កន្លែង។
៣. គម្រោងមជ្ឈមណ្ឌលពាណិជ្ជកម្ម
ក្រុមហ៊ុន YUNNAN SHENGMAO INVESTMENT (CAMBODIA) CO.,LTD បានប្រកាសបើកការដ្ឋានសាងសង់មជ្ឈមណ្ឌលពាណិជ្ជកម្ម TRIUMPH កម្ពុជា។ គម្រោងនេះ មានទីតាំងវិនិយោគស្ថិតនៅភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ រាជធានីភ្នំពេញ មានទុនចុះបញ្ជីវិនិយោគចំនួន ៩៩លានដុល្លារអាមេរិក និងអាចបង្កើតការងារបានចំនួន ១ ១០១កន្លែង។
ដោយឡែកគម្រោងវិនិយោគទាំងស្រុង នឹងចំណាយ រហូតដល់ ១ពាន់លានដុល្លារ ខណៈដំណាក់កាលដំបូងនឹងសាងសង់រួចនៅចុងឆ្នាំ ២០១៩ និងគ្រោងបញ្ចប់រួចរាល់ នៅចុងឆ្នាំ២០២០៕