មុខងារពិសេស ទោះជើងខ្លាំងស្គាល់ Password ក៏មិនអាច Log in ចូលប្រើគណនីបានដែរ

2018-08-18 01:56:39
ចំនួនមតិ 0 | ចំនួនចែករំលែក 0

ចន្លោះមិនឃើញ

Two Factor Authentication (2FV) ជាមុខងារការពារសុវត្ថិភាពពីរស្រទាប់មានកំណត់ក្នុងសេវាកម្មឬគណនីពេញនិយមជាច្រើនលើប្រព័ន្ធអ៊ីនធឺណិត។ ឲ្យងាយស្តាប់មុខងារសំខាន់នេះ នឹងពុំអនុញ្ញាតឲ្យជនណាម្នាក់អាច Log In ចូលប្រើប្រាស់គណនីអ្នកបាន ថ្វីបើបុគ្គលនោះមានកូដសម្ងាត់ (Password) ក៏ដោយ ផ្ទុយទៅវិញនឹងទាមទារកូដស្រទាប់ទីពីរដោយបញ្ជូនចូលទៅក្នុង SMS នៃលេខទូរសព្ទដែលបានកំណត់។

គណនី iCloud, Gmail ក៏ដូចជា Facebook សុទ្ធសឹងជាសេវាកម្មឬបណ្តាញសង្គមមានមនុស្សរាប់លាននាក់ជុំវិញពិភពលោកកំពុងប្រើប្រាស់។ ក្នុងលក្ខខណ្ឌប្រើប្រាស់ Password ទូទៅប្រាកដជាមិនទាន់មានសុវត្ថិភាព ១០០ នៅឡើយ ដរាបណាអ្នកស្វែងយល់ឲ្យស៊ីជម្រៅពីការកំណត់មុខងារ 2FV ដោយខ្លួនឯង។

+ការកំណត់ two-step verficication លើ Apple ID/iCloud:

សម្រាប់គណនីរបស់ក្រុមហ៊ុន Apple ដំបូងអ្នកត្រូវចូលទៅកាន់អាសយដ្ឋាន appleid.apple.com រួចវាយបញ្ចូល Email និង Password ដោយស្វែងរកការកំណត់ two-step verification ក្នុងផ្នែក Security និងឲ្យប្រាកដកត់ទុកការបង្កើត Recovery Key ជៀសវាងមានបញ្ហាណាមួយនៅថ្ងៃក្រោយ។

+ការកំណត់ 2-step verification លើ Google:

សម្រាប់គណនី Gmail/Google អ្នកត្រូវចូលទៅកាន់ Google.com ត្រង់ Profile ផ្នែកចំហៀងខាងស្តាំ រើសយក My Account ចុចយកពាក្យ Signing in to Google។ ត្រង់ផ្នែក Security សូមស្វែងរក 2-Step Verification និងធ្វើការដំណើរការ។ មធ្យោបាយពីរដោយមួយកំណត់តាមលេខទូរសព្ទ ឬ ទាញយក Authenticator App លើ Android ឬ iPhone ផ្ទាល់តែម្តង ដើម្បីធ្វើការបញ្ជាក់កូដ។

+ការកំណត់ two-factor authentication លើ Facebook:

ត្រង់ផ្នែក Toolbar របស់ Facebook សូមចូលទៅកាន់ Settings > Security and Login រួចរើសយក Use two-factor authentication ដោយផ្តើមតាមរយៈការបន្ថែមលេខទូរសព្ទ ដើម្បីទទួលសារកូដសម្ងាត់។