ច្បាស់ការ! Ronaldo នឹងបង្ហាញខ្លួនផ្លូវការលើកដំបូងឲ្យ Juventus យប់នេះ
- 2018-08-18 03:07:28
- ចំនួនមតិ 0 | ចំនួនចែករំលែក 0
ច្បាស់ការ! Ronaldo នឹងបង្ហាញខ្លួនផ្លូវការលើកដំបូងឲ្យ Juventus យប់នេះ
ចន្លោះមិនឃើញ
ខ្សែប្រយុទ្ធជើងស៊ុត Cristiano Ronaldo នឹងចេញប្រកួតផ្លូវការលើកដំបូងឲ្យក្លឹប Juventus នៅរាត្រីថ្ងៃសៅរ៍នេះ។ នេះតាមការបញ្ជាក់ពីលោក Massimiliano Allegri។
ក្លឹបរហស្សនាម Old Lady នឹងត្រូវជួបប្រកួតដំបូងក្នុង Serie A ជាមួយក្លឹប Chievo នៅយប់នេះម៉ោង ១១។ Massimiliano ដែលជាអ្នកចាត់ការរបស់ Juventus បានប្រកាសដំណឹងខាងលើកាលពីយប់មិញ និងប្រាប់ទៀតថា Ronaldo នឹងបង្ហាញខ្លួនជាជម្រើស១១នាក់។
ចាប់តាំងផ្ទេរពី Real Madrid ក្នុងតម្លៃ១០០លានអឺរ៉ូ កីឡាករសញ្ជាតិព័រទុយហ្គាល់ធ្លាប់លេងឲ្យ Juventus មួយប្រកួតទល់នឹង Juventus B កាលពីដើមសប្ដាហ៍នេះ តែវាគ្រាន់តែជាការលេងមិត្តភាពប៉ុណ្ណោះ។ កាលពីម្សិលមិញបានព័ត៌មានលេចឭថា Juventus អាចផ្អាកការប្រកួតបើកឆាកនេះដោយសារមានការបាក់ស្ពាននៅទីក្រុង Genoa ប្រទេសអ៊ីតាលី។ ប៉ុន្តែចុងក្រោយនេះច្បាស់ការហើយ Juventus មិនផ្អាកការលេងទេ៕