ខ្ញុំខុសទេស្រឡាញ់មនុស្សពីរនាក់ ម្នាក់គេងជាមួយគ្នា៣ឆ្នាំ និងម្នាក់ទៀតប្ដីគេ?

2014-09-13 17:54:31
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្ញុំបានតាមដានទំព័រស្នេហ៍ខ្ញុំ របស់ Sabay យូរមកហើយ។ ខ្ញុំមានការចាប់អារម្មណ៍ខ្លាំងណាស់។ ខ្ញុំក៏មានរឿងមួយចង់អោយបង Sabay ជួយចុះផ្សាយអោយខ្ញុំផងដែរ។ ខ្ញុំសូមដាក់ឈ្មោះរបស់ខ្ញុំថាលីនទៅចុះ។

នាងខ្ញុំជា បុគ្គលិកក្នុងក្រុមហ៊ុនមួយ។ ខ្ញុំបានធ្វើការនៅក្នុងក្រុមហ៊ុនមួយនេះតាំងពីឆ្នាំ២០០៩មក ម្ល៉េះ។ ខ្ញុំមានសង្សារច្រើន ទាំងនៅកន្លែងធ្វើការ និងក្រៅកន្លែងធ្វើការ តែពួកគេជាមនុស្សដែលតែងសម្លឹងចង់យកខ្ញុំមកលេងសើចតែប៉ុណ្ណោះ។ ក្នុងឆ្នាំ២០១១ នាងខ្ញុំបានសម្រេចចិត្តរើសយកបុរសម្នាក់ដែលគេស្រឡាញ់ខ្ញុំ ខ្លាំងបំផុត។ ខ្ញុំ និងគាត់បានស្គាល់គ្នាយូរមកហើយ តែត្រឹមជាមិត្តដែលមិនបានឃើញមុខគ្នា។ ពេលបានស្គាល់គ្នាភ្លាម គាត់បានប្រាប់ថា គាត់ស្រឡាញ់ខ្ញុំយូរមកហើយតែគាត់មិនហ៊ានប្រាប់។ ក្រោយមកខ្ញុំ និងគាត់បានធ្វើខុសនឹងប្រពៃណីជាញឹកញាប់រហូតដល់ពេលនេះ គឺជិត៤ឆ្នាំហើយ។ នាងខ្ញុំ និងគាត់ស្រឡាញ់គ្នាណាស់។

រូបតំណាង

តែ នៅចុងឆ្នាំ២០១៣នេះ ខ្ញុំបានប្ដូរតំណែងការងារដែលធ្វើអោយបុគ្គលិកផ្សេងទៀតមិនពេញ ចិត្តនឹងខ្ញុំទេ ហើយក៏ជាពេលដែលមានប្រធានផ្នែកផ្សេងគេចាប់អារម្មណ៍នឹងខ្ញុំដែរ។ គេមិនមែនជាជនជាតិខ្មែរទេ ហើយក៏មិនអាចនិយាយខ្មែរបានដែរ។ និយាយរួមទៅ គាត់ជាជនបរទេស។

អានអត្ថបទ៖ ៤ចំណុចចងជើងមិត្តប្រុសមិនឲ្យដោះដៃ ខ្ញុំពិបាកក្នុងការនិយាយគ្នា ណាស់។ គេតែងតែ Call មកខ្ញុំ ដោយយកលេសថាចង់អោយខ្ញុំជួយបង្រៀនភាសាខ្មែរដល់គាត់។ គាត់មានប្រពន្ធ និងកូនរួចហើយ តែគាត់បាននិយាយថា គាត់ស្រឡាញ់ខ្ញុំ។ គ្រប់ពេលដែលគាត់សម្លឹងមើលភ្នែករបស់ខ្ញុំ គឺគាត់តែងញញឹម និងមានអារម្មណ៍ក្នុងការធ្វើការណាស់។ គាត់តែងតែគេចការប្រជុំពេលល្ងាច ហើយណាត់អោយខ្ញុំចេញទៅដើរលេងជាមួយគាត់ ទោះមិនចង់ទៅ ក៏គាត់ព្យាយាមអង្វររហូតខ្ញុំយល់ព្រម។ រហូតមកដល់ពេលនេះ ខ្ញុំមានអារម្មណ៍ថា ខ្ញុំបានស្រឡាញ់គាត់បាត់ទៅហើយ។ ខ្ញុំកំពុងតែក្លាយជាមនុស្សចិត្តពីរ។ ខ្ញុំអាចនិយាយបានថា ខ្ញុំពិតជាមានអារម្មណ៍ថាខ្លាចបាត់បង់មនុស្សទាំងពីរនាក់នេះ ណាស់។

អ្នកទីមួយគាត់ក៏បានដឹងថា អ្នកទីពីរតាមស្រឡាញ់ខ្ញុំដែរ តែគាត់មិនបានដឹងថាខ្ញុំមានចិត្តអោយនាក់ទីពីរខ្លះទេ។ មួយរយៈក្រោយមកនេះ អ្នកទីពីរបានប្តូរមកកាន់នៅក្នុងខេត្ត ក្បែរបន្ទប់ធ្វើការរបស់ខ្ញុំដែរ តែគាត់ប្លែកណាស់ គាត់តែងព្យាយាមនៅក្បែរ អោបថើប និងប្រើកាយវិការមិនសមរម្យជាច្រើន។ ខ្ញុំក៏ដឹងថា គាត់ស្រឡាញ់គ្រួសាររបស់គាត់ខ្លាំងណាស់ដែរ។ គាត់តែងតែសុំខ្ញុំរៀបការ តែខ្ញុំប្រកែកគ្រប់ពេលទាំងអស់។ នេះក៏ជាមូលហេតុដែលធ្វើអោយគាត់ខឹង និងធ្វើរឿងមិនសមរម្យមកលើខ្ញុំ។ អោយខ្ញុំធ្វើយ៉ាងណា បើអ្នកទីមួយសុំខ្ញុំពន្យារពេលរៀបការ ដោយយកលេសថា គាត់មិនមានលុយគ្រប់គ្រាន់ក្នុងការរៀបការ?

ខ្ញុំមានសំនួរចង់សួរថា៖

១) ខ្ញុំអាចរៀបការជាមួយអ្នកទីពីរបានទេ បើគេមានប្រពន្ធកូនរួចហើយ? ២) តើអ្នកទីមួយ គេចង់គេចវេះពីការរៀបការ ឬក៏មកពីរឿងប្រាក់មែន?

៣) បើខ្ញុំរៀបការជាមួយអ្នកទីពីរ តើគេគិតយ៉ាងណា បើគេដឹងថាខ្ញុំមិនបរិសុទ្ធ?

៤) តើខ្ញុំត្រូវធ្វើបែបណាទើបដឹងថា អ្នកណាពិតជាស្រឡាញ់ខ្ញុំពិត ព្រោះគ្រប់ពេលគេទាំងពីរបារម្ភ និងយកចិត្តទុកដាក់លើខ្ញុំដូចគ្នា?

អត្ថបទ៖ ច.ដ.