កាន់តែ​ពិសេស កាន់តែ​ជក់ចិត្ត​ថែម​មួយ​កម្រិត​ទៀត​ហើយ​សម្រាប់​ប្រិយមិត្ត​អ្នក​កម្សាន្ត AK Online! ទិដ្ឋភាព​បើកបរ​រថយន្ត​ប្រដេញ​បាញ់​សម្លាប់​គ្នា​ដ៏​រន្ធត់ ដែល​ប្រិយមិត្ត​ធ្លាប់​តែ​ឃើញ​ក្នុង​ខ្សែ​ភាពយន្ត Hollywood នឹង​កើតមាន​ឡើង​នៅ​ក្នុង​សេវា​កម្សាន្ត AK Online ដែល​ហើយ​ចាប់​ពី Version ថ្មី​នេះ​ទៅ នៅ​លើ​សមរភូមិ និង​វគ្គ​ប្រយុទ្ធ​ថ្មី Death Race ដែល Update នៅ​សប្ដាហ៍​ក្រោយ​នេះ។

ប្លែក​ពី​វគ្គ​ប្រយុទ្ធ​មុន ដែល​អ្នក​កម្សាន្ត​គ្រប់រូប​តែងតែ​រត់​ប្រដេញ​បាញ់​សម្លាប់​គូ​សត្រូវ​ដោយ​ដំណើរ​ថ្មើរជើង ឬ​រត់​យឺតៗ សម្រាប់​វគ្គ​ប្រយុទ្ធ Death Race ថ្មី​នេះ​វិញ ប្រិយមិត្ត​នឹង​មិន​ចាំបាច់​ចំណាយ​កម្លាំង​រត់​ប្រដេញ​ដើម្បី​ផ្ដួល​គូ​ប្រកួត​ទៀត​ឡើយ សេវា​កម្សាន្ត AK នឹង​ផ្ដល់​រថយន្ត​ថ្មីសន្លាង​មួយ​គ្រឿង​ជូន​អ្នក​កម្សាន្ត​ប្រើប្រាស់​ដេញ​ប្រយុទ្ធ​គ្នា​នៅ​លើ​សមរភូមិ Death Race។

សម្រាប់​យានយន្ត​នេះ ប្រិយមិត្ត​អាច​ធ្វើ​ការ​ផ្លាស់ប្ដូរ​បាន​ទៅ​តាម​តម្រូវ​ចិត្ត​ផង​ដែរ​តាម​រយៈ Item Malls ដែល​មាន​សុទ្ធតែ​រថយន្ត​ម៉ាក់​ល្បីៗ​រួមមាន រថយន្ត​ម៉ាក Audi R8, Mini Cooper, រថយន្ត Hammer និង​រថយន្ត Volkswagen ជាដើម​សម្រាប់​ការ​បង្ហាញ​ខ្លួន​ជា​លើក​ដំបូង​នៃ​វគ្គ​ប្រយុទ្ធ Death Race នេះ។ អ្វី​ដែល​ប្រិយមិត្ត​នឹក​ស្មាន​មិន​ដល់​នោះ​គឺ​ថា រថយន្ត​ប្រភេទ​កុងតឺន័រ Nemisis Prime ដែល​ជា​តួអង្គ​ឯក Optimums Prime ក្នុង​រឿង Transformer 4 តែងតែ​ក្រឡា​ខ្លួន​នោះ ក៏​នឹង​បង្ហាញ​ខ្លួន​នៅ​ក្នុង​ស្តង់​លក់​សម្ភារៈ​ប្រយុទ្ធ Item Malls ផង​ដែរ។

បន្ថែម​ពី​រថយន្ត​ល្បី​ក្នុង​រឿង Transformer 4 ខាង​លើ កាំភ្លើង AutoBot-OP ដែល​ជា​កាំភ្លើង​មាន​ជំនាញ ២ (ជា​ប្រភេទ Assault ក៏​បាន ជា​ប្រភេទ Sniper ក៏​បាន) ជា​លើក​ដំបូង​ក្នុង​ប្រវត្តិសាស្ត្រ​សេវា​កម្សាន្ត AK Online ក៏​នឹង​បង្ហាញ​ខ្លួន​នៅ​ក្នុង Version ថ្មី​នេះ​ផង​ដែរ។ ប្រិយមិត្ត​ទាំងអស់​អាច​ទទួល​បាន​កាំភ្លើង​នេះ​ដោយ​មិន​បាច់​ចំណាយ AK Gold ឡើយ ពោល​គឺ​គ្រាន់តែ​ធ្វើ​ការ​បញ្ចូល AK Gold ចំនួន 3,200 Gold ទុក​សម្រាប់​ប្រើប្រាស់ ប្រិយមិត្ត​នឹង​ទទួល​បាន​កាំភ្លើង​នេះ​ភ្លាម។

អាន៖ សប្ដាហ៍​ក្រោយ CCC 2014 នឹង​ធ្វើ​ឲ្យ​កក្រើក​ចេនឡា​ជាក់​ជាមិនខាន

តើ​ប្រិយមិត្ត​ពិតជា​មាន​សមត្ថភាព​ទាំង​ការ​បើកបរ និង​ការ​ប្រយុទ្ធ​មែន​ឬ? ចង់​ដឹង​ពិត​ប្រាកដ​កុំ​ភ្លេច​សាកល្បង​សមត្ថភាព​ទាំងអស់​គ្នា​ជាមួយ AK Online នៅ​ថ្ងៃ​ច័ន្ទ​ទី ១៧ ខែ​វិច្ឆិកា ខាង​មុខ​នេះ៕

អត្ថបទ៖ ភីឆាយ