កុំព្យូទ័រ Mac មានចំណុចខ្លាំង ៤ ទើបអ្នកប្រើជាប់ចិត្ត មិនចង់ប្ដូរទៅប្រើ Windows

2018-08-24 06:59:24
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្នុងការបំពេញការងារ ឬការសិក្សាកុំព្យូទ័រ Mac បានក្លាយជាទិសដៅមួយ សម្រាប់មនុស្សភាគច្រើន នេះដោយសាររូបរាង និងគុណភាព។ ត្បិតថ្លៃបន្តិច ប៉ុន្តែកុំព្យូទ័ររបស់ Apple បើប្រើហើយ មិនសូវជាខកចិត្តប៉ុន្មាននោះទេ។

កុំព្យូទ័រ Mac ជាផ្នែកមួយនៃប្រព័ន្ធ Ecosystem របស់ Apple ដំណើរការបានយ៉ាងរលូនជាមួយ iPhone និង iPad

ចំណុចខ្លាំងធំបំផុតរបស់ Apple គឺបានរចនាទាំង Hardware និង Software ដោយខ្លួនឯង ដែលធ្វើឲ្យទាំងប្រព័ន្ធប្រតិបត្តិការ និងកម្មវិធី ដំណើរការបានយ៉ាងល្អសម្រាប់ម៉ាស៊ីន។

ឧទាហរណ៍ បើថតរូបលើ iPhone ប្រព័ន្ធនឹង Sync ដោយស្វ័យប្រវត្តិ តាមរយៈ iCloud ទៅកាន់ iPad Pro ឬ iMac។

ការអាប់ដេតប្រព័ន្ធ ទាន់ពេលវេលា

Window មានក្រុមហ៊ុនផលិតកុំព្យូទ័រជាច្រើន យកប្រើប្រាស់ ហើយកំណែទម្រង់ប្រព័ន្ធថ្មី អាចនឹងមានបញ្ហាច្រើន ដោយសារមានប្រើ Hardware ខុសៗគ្នា។

ផលិតផល Apple តាំងពី Hardware និង Software ចេញពីក្រុមហ៊ុន ការអាប់ដេត បានលឿន និងមិនសូវមានបញ្ហានោះទេ។ ការអាប់ដេតទាន់ពេលវេលាអាចជួយដោះស្រាយបញ្ហារបស់ប្រព័ន្ធ ជាពិសេសពង្រឹងសុវត្ថិភាពប្រព័ន្ធ។

ម៉ាស៊ីន Mac ធន់ប្រើបានយូរ

កុំព្យូទ័រ Mac ប្រើច្រើនឆ្នាំ នៅតែដំណើរការបានល្អ ទទួលបានកំណែទម្រង់ថ្មីៗ នេះដោយសារមានការយកចិត្តទុកដាក់ពី Apple លើផលិតផលចាស់មួយចំនួនរបស់ខ្លួន។

រូបរាងស្អាត មានអារម្មណ៍ជាឧបករណ៍កម្រិតចុងក្រោយ

Apple បានចំណាយពេលវេលាយ៉ាងប្រយ័ត្នប្រយែងក្នុងការរចនាកុំព្យូទ័រ ធ្វើឲ្យរូបរាង រួមជាមួយសមាសធាតុដ៏ល្អ ចេញមក ស្អាត មើលទៅសមនឹងតម្លៃ។

មិនតិចនាក់ទេ ប្រើកុំព្យូទ័រ Mac ហើយជាប់ចិត្ត មិនចង់ប្ដូរទៅ Window។ កុំព្យូទ័រមានរូបរាងស្អាត Hardware និង Software រឹងមាំ ព្រមទាំងមានការអាប់ដេតប្រព័ន្ធទាន់ពេលវេលា។ មួយវិញទៀត អាចប្រើបានយូរឆ្នាំផងដែរ ពី ៣ ទៅ ៥ ឆ្នាំ៕