BTS បំបែកឯកត្តកម្មដ៏ធំមួយរបស់ Taylor Swift ក្រោយបញ្ចេញបទ "IDOL”
- 2018-08-27 04:50:00
- ចំនួនមតិ 0 | ចំនួនចែករំលែក 0
BTS បំបែកឯកត្តកម្មដ៏ធំមួយរបស់ Taylor Swift ក្រោយបញ្ចេញបទ "IDOL”
ចន្លោះមិនឃើញ
បន្ទាប់ពីបញ្ចេញវីដេអូចម្រៀងថ្មី "IDOL” ព្រមទាំងមានការចូលរួមពី Nicki Minaj កំពូលក្រុមចម្រៀងប្រុសកូរ៉េនេះនៅតែបន្តបំបែកឯកត្តកម្មមិនឈប់ឈរ។ ថ្មីៗនេះ "IDOL” ទើបតែបំបែកឯកត្តកម្មដ៏ធំមួយ ដោយក្លាយជាបទចម្រៀងមានអ្នកចូលមើលនៅលើ YouTube ច្រើនដងជាងគេក្នុងរយៈពេល ២៤ម៉ោង។
Taylor Swift ធ្លាប់ជាអ្នកកាន់កាប់ឯកត្តកម្មនេះ កាលពីឆ្នាំ ២០១៧ ដោយវីដេអូចម្រៀង "Look What You Made Me Do” មានអ្នកចូលមើល ៤៣លានដងក្នុងមួយថ្ងៃដំបូង។ ចំណែកឯវីដេអូថ្មីរបស់ BTS វិញទទួលបានអ្នកចូលមើលដល់ទៅ ៥៦លានដុល្លារឯណោះក្នុងថ្ងៃដំបូងដូចគ្នា។
នេះគឺចំនួនដ៏ច្រើនបំផុត ប្រហាក់ប្រហែលនឹងបទចម្រៀងចាស់របស់ពួកគេ "Fake Love” ដែលមានអ្នកចូលមើល ៣៥លានដងក្នុងរយៈពេល ២៤ម៉ោងដំបូង។
គិតមកត្រឹមពេលនេះ BTS នៅតែបន្តបំបែកឯកត្តកម្មថ្មីៗ ហើយក៏ជាក្រុមចម្រៀងកូរ៉េ ដែលមានចំនួនអ្នកចូលមើលវីដេអូនៅលើ YouTube ច្រើនជាងគេ៕