ពុធ សំបូរ ១ថ្ងៃប៉ុណ្ណោះសម្រក់បាន ៤-៥គីឡូក្រាម ប៉ុន្តែកុំមើលកម្លាំង

2018-08-28 04:05:35
ចំនួនមតិ 0 | ចំនួនចែករំលែក 0

ចន្លោះមិនឃើញ

កីឡាករ ពុធ សំបូរ វ៉ៃស្ទើរមិនចង់កើត ដោយសារតែសម្រក់ទម្ងន់ប្រហែល ៤-៥គីឡូក្រាម ដើម្បីប្រកួតដណ្ដើមពានរង្វាន់កាលពីថ្ងៃសៅរ៍សប្ដាហ៍មុននេះ។

ពុធ សំបូរ(ខៀវ)

ពុធ សំបូរ បានឲ្យដឹងថា ការប្រកួតជុំទី២កន្លងទៅនៃពានរង្វាន់ខាងលើ គឺគ្មានកម្លាំងវ៉ៃតែម្ដង ព្រោះអីសម្រក់ទម្ងន់ខ្លាំងពេក តាំងពី៦៥ មកត្រឹម៦០គីឡូក្រាមវិញ ហើយការសម្រក់នេះទៀតសោត គឺត្រឹម១ល្ងាច និង១ព្រឹកប៉ុណ្ណោះ។ ប្រសិនបើ មានកម្លាំងវិញ ការប្រកួតនេះអាចនឹងប្ដូរទៅប្ដូរមកល្អមើលជាងនេះ។

ពុធ សំបូរ(ខៀវ)

អ្នកស្នងគុនខ្មែរខាងលើនេះបន្ថែមថា នៅពេលដែលសម្រក់ភ្លាមៗបែបនេះ ហើយរហូតដល់ទៅ៤-៥គីឡូក្រាមទៀតនោះ វាធ្វើឲ្យកម្លាំងគឺបាក់តែម្ដងដោយសារខំប្រឹងសម្រក់ខ្លាំងពេក ប៉ុន្តែបើអាចញុំបានត្រឹមត្រូវល្អ កម្លាំងក៏មានឡើងវិញខ្លះៗដែរ។ នៅប្រកួតបន្ទាប់ជុំទី៣នោះ រូបគេនឹងធ្វើទម្ងន់ឲ្យបានមុនពេល ដើម្បីមានកម្លាំងគ្រប់គ្រាន់ប្រកួត។

ពុធ សំបូរ(ខៀវ)

រំលឹកដែរថា កីឡាករ ពុធ សំបូរ ជាកូនសិស្សលោកគ្រូ ណន រិទ្ធិ មកពីក្លឹបពុធសេរីវង្ស ប្រកួតចុងក្រោយឈ្នះពិន្ទុ ណាម ម៉ូរ៉ាក់ កាលពីថ្ងៃសៅរ៍ ទី២៥ ខែសីហា ២០១៨នៅសង្វៀន TV5។ ជាបេក្ខភាពម្នាក់ទៀតហើយបានឡើងទៅវគ្គជុំទី៣៕

អត្ថបទ៖ នួន ស៊ីណា