ធន់ សុភា សម្រុកបង្វឹកកូនសិស្សខ្លាំង ផ្ដោតជោគជ័យខ្សែក្រវាត់គូបូតា

2018-08-30 07:50:29
ចំនួនមតិ 0 | ចំនួនចែករំលែក 0

ចន្លោះមិនឃើញ

គ្រូប្រដាល់ក្រសួងការពារជាតិ ធន់ សុភា កំពុងសម្រុកបង្វឹកខ្លាំងលើកីឡាករ ប៊ុន សុធា ដើម្បីឲ្យមានសមត្ថភាពគ្រប់គ្រាន់ ឈានទៅរកជោគជ័យក្នុងកម្មវិធីខ្សែក្រវាត់គូបូតាទម្ងន់៥៧គីឡូក្រាមនៅសង្វៀនបាយ័ន។

លោកគ្រូ ធន់ សុភា

លោក ធន់ សុភា ប្រាប់ឲ្យដឹងថា ប្រសិនបើខំប្រឹងប្រែងព្យាយាមហ្វឹកហាត់រហូតនោះ គឺជឿ់ជាក់ថានឹងអាចឈានដល់វគ្គពាក់កណ្ដាលផ្ដាច់ព្រ័ត្រ ឬវគ្គផ្ដាច់ព្រ័ត្រកម្មវិធីខាងលើនេះ។ បច្ចុប្បន្ននេះក៏កំពុងផ្ដោតបង្ហាត់លើស្មារតី រួមនិងស្នៀតប្រយុទ្ធផ្សេងៗទៀតដល់ ប៊ុន សុធា។

លោក ធន់ សុភា និង ប៊ុន សុធា

គ្រូមានបទពិសោធច្រើនរូបនេះក៏បន្ថែមទៀតថា ការបង្ហាត់ឲ្យត្រៀមការប្រកួតលើកនេះ គឺខ្លាំងជាងការប្រកួតមិត្តភាពជាតិនិងជាតិ ឬមិត្តភាពអន្តរជាតិធម្មតា ព្រោះអីវ៉ៃខ្សែក្រវាត់ដាច់ខាត់ត្រូវតែខ្លាំងល្អគ្រប់គ្រាន់ ហើយមិនអាចលើកលែងក៏ដូចជាយល់យោគឡើយ។

កីឡាករ ប៊ុន សុធា

កីឡាករ ប៊ុន សុធា ជាបេក្ខភាពម្នាក់ក្នុងកីឡាករខ្មែរ៥រូប ដែលកំពុងលេងខ្សែក្រវាត់គូបូតាទម្ងន់៥៤គីឡូក្រាមពេលបច្ចុប្បន្នរបស់សង្វៀនបាយ័ន។ ប្រកួតបើកឆាកដំបូងនៃកម្មវិធីនេះកាលពីថ្ងៃសុក្រពីរសប្ដាហ៍មុននេះ ផ្ដួលកីឡាករថៃឲ្យសន្លប់ក្នុងចុងទឹកទី៣៕

អត្ថបទ៖ នួន ស៊ីណា