ទូរសព្ទប្រើបន្ទះឈីប Snapdragon 845 ថោកបំផុត មកខ្មែរហើយ!
- 2018-08-31 03:05:00
- ចំនួនមតិ 0 | ចំនួនចែករំលែក 0
ទូរសព្ទប្រើបន្ទះឈីប Snapdragon 845 ថោកបំផុត មកខ្មែរហើយ!
ចន្លោះមិនឃើញ
អ្នកចូលចិត្តតាមដានព័ត៌មានទូរសព្ទក៏ដូចជា កំពូលស្មាតហ្វូននានា ប្រាកដជាបានជ្រាបខ្លះហើយពី សមត្ថភាពនិងតម្លៃនៃបន្ទះឈីប Snapdragon 845 ឬហៅឲ្យងាយថា "ឈីបនាគរាជ"។ ថ្មីៗនេះ Poco F1 ដែលជាស្មាតហ្វូនរបស់ក្រុមហ៊ុន Xiaomi ដែលប្រើបន្ទះឈីបលេខខ្ពស់ស៊េរីថ្មី បានបង្ហាញខ្លួននៅទីផ្សារក្នុងស្រុក ជាមួយតម្លៃ គួរឲ្យភ្ញាក់ផ្អើលមែនទែន។
Poco F1 ក៏មកជាមួយបច្ចេកវិទ្យាបញ្ចុះកម្តៅម៉ាស៊ីន LiquidCool មិនបារម្ភបញ្ហាលេងហ្គេមធំៗ ព្រោះតេស្តផ្ទាល់លើកម្មវិធី AnTuTu ទទួលបានពិន្ទុច្រើនជាង **២៩០ ០០០។**
ចំពោះសមត្ថភាពកាមេរ៉ាមុខទំហំ 20MP បច្ចេកវិទ្យា Super Pixel មាន Aperture f/2.0។ ឯកាមេរ៉ាភ្លោះក្រោយមានទំហំ 12+5MP មាន Aperture f/1.9 គាំទ្រ Dual Pixel Autofocus មាន Sensor ប្រភេទ SONY IMX363 (ដូច Xiaomi Mi 8 SE) មានថាមពលថ្ម ៤ ០០០mAh ប្រើបច្ចេកវិទ្យាសាកថ្មលឿន(Quick Charge 3.0) ប្រព័ន្ធប្រតិបត្តិ: Android 8.1 (Oreo) អមផ្ទៃ MIUI 9.6។ PocoPhone F1 មានជម្រើស ២ ពណ៌គឺ ខៀវ និងខ្មៅ។
ទូរសព្ទ POCOPHONE F1 ឬ POCO F1 មានបំពាក់មកជាមួយ អេក្រង់ ៦,១៨ អ៊ីញ LCD កម្រិត ២ ២៤៦ x ១ ០៨០ ភីកសែល មាត្រដ្ឋាន ១៨:៧,៩។ ប្រើបន្ទះឈីប: Qualcomm Snapdragon 845 ប្រើ CPU Octa-Core ល្បឿន ២,៨GHz មាន GPU Adreno 630 បំពាក់ RAM 6GB ទំហំផ្ទុកក្នុងម៉ាស៊ីន 64GB និង 128GB។
សម្រាប់តម្លៃលក់នៅទីផ្សារក្នុងស្រុកគិតទៅតាមទំហំផ្ទុកគឺ RAM 6GB ម៉េម៉ូរី 64GB តម្លៃ ៣៥៥ ដុល្លារ ឯ RAM 6GB ម៉េម៉ូរី 128GB តម្លៃ ៣៩០ ដុល្លារ៕