ម្ចាស់ Channel YouTube ធំជាងគេក្នុងលោក កំពុងភ័យខ្លួន ខ្លាចគេតាមទាន់
- 2018-09-01 02:03:44
- ចំនួនមតិ 0 | ចំនួនចែករំលែក 0
ម្ចាស់ Channel YouTube ធំជាងគេក្នុងលោក កំពុងភ័យខ្លួន ខ្លាចគេតាមទាន់
ចន្លោះមិនឃើញ
Felix Kjellberg ដែលគ្រប់គ្នាស្គាល់ថា Pewdiepie បានកាន់តំណែងជា Channel YouTube ធំជាងគេបំផុត ដែលបច្ចុបន្ននេះមាន Subscriber សរុប ៦៥ លាននាក់ឯណោះ។ ប៉ុន្តែម្ចាស់គណនីមួួយនេះកំពុងភ័យខ្លួនថាតំណែងកំពូលអាចត្រូវគេដណ្ដើមបាន។
ថ្មីៗនេះ Pewdiepie បានបញ្ចេញវីដេអូថ្មីមួយនិយាយអំពី Channel មួយផ្សេងទៀតដែលអាចឡើងលើខ្លួន នៅក្នុងអំឡុងខែវិច្ឆិកាខាងមុខនេះ។ Channel នោះមានឈ្មោះថា T-Series ជា Channel របស់ផលិតកម្មមួយរបស់ឥណ្ឌា។
T-Series ត្រូវគេស្គាល់ថាជាប្រភពវីដេអូចម្រៀងបូលីវូដដ៏ធំមួយ ដែលបច្ចុប្បន្ននេះមាន Subscriber ចំនួន ៥៩ លាននាក់ឯណោះ។ ផ្អែកតាមវិបសាយ Social Blade បច្ចុប្បន្ន T-Series មានកំណើន Subscriber ប្រមាណ ១៤០ ០០០ នាក់ក្នុងមួយថ្ងៃ។ ចំណែក Pewdiepie វិញមានកំណើនតែប្រមាណ ២៩ ០០០ ប៉ុណ្ណោះ។
តាមរយៈកំណើនច្រើនសន្ធឹកនេះ Pewdiepie ប៉ាន់ស្មានថាគណនី T-Series នឹងនាំមុខខ្លួននៅអំឡុងខែវិច្ឆិកា ឆ្នាំ ២០១៨ នេះ៕