អាមេរិកពួតដៃជប៉ុន បញ្ចេញសាច់ដុំនៅសមុទ្រចិនខាងត្បូង

2018-09-02 07:07:55
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាហានរបស់សហរដ្ឋអាមេរិក និងជប៉ុន បានរួមដៃគ្នាធ្វើសមយុទ្ធយោធាទ្រង់ទ្រាយធំនៅសមុទ្រចិនខាងត្បូងដើម្បីបង្ហាញពីអនុភាពនៅក្នុងការធ្វើសង្គ្រាមរបស់ខ្លួន។

យោងតាមសារព័ត៌មានរដ្ឋផ្លូវការឲ្យដឹងថា កងម្លាំងនៃនាវាផ្ទុកយន្ដហោះចម្បាំងរបស់អាមេរិក និងកងទ័ពអាកាសជប៉ុន បានធ្វើសមយុទ្ធយោធារួមគ្នានៅសមុទ្រចិនខាងត្បូងកាលពីថ្ងៃសុក្រកន្លងទៅ។ នៅក្នុងសមយុទ្ធនេះ គេឃើញវត្តមានដ៏កម្ររបស់នាវាផ្ទុកឧទ្ធម្ភាគចក្រជប៉ុនឈ្មោះ Kaga រួមជាមួយនាវាពិឃាដពីរទៀតគឺ Inazuma និង Suzutsuki។ ចំណែកឯភាគីអាមេរិកវិញ គេសម្គាល់ឃើញថាមានការចូលរួមដោយប្រើប្រាស់នាវាផ្ទុកយន្តហោះ Ronald Reagan, នាវាពិឃាដ USS Antietam និងនាវាកម្ទេចមីស៊ីល USS Milius។

(នាវាផ្ទុកឧទ្ធម្ភាគចក្រជប៉ុនឈ្មោះ Kaga)

(នាវាផ្ទុកយន្តហោះ Ronald Reagan របស់អាមេរិក)

គោលបំណងនៃការធ្វើសមយុទ្ធនេះ គឺដើម្បីបម្រើចក្ខុវិស័យរបស់អាមេរិកស្ដីអំពី "តំបន់អាស៊ីប៉ាស៊ីហ្វិកសេរី និងបើកចំហ” ដែលត្រូវបានចែករំលែកដោយសម្ព័ន្ធមិត្តរបស់អាមេរិកក្នុងតំបន់។ ប៉ុន្តែចក្ខុវិស័យនេះ មានភាពផ្ទុយស្រឡះពីអ្វីដែលជាគោលបំណងពិតប្រាកដរបស់រដ្ឋាភិបាលក្រុងប៉េកាំង។

(នាវាផ្ទុកយន្តហោះ Ronald Reagan របស់អាមេរិក)

យ៉ាងណាក៏ដោយ ជាការឆ្លើយតប យោធារបស់ចិនត្រូវបានរាយការណ៍ថាដាក់ពង្រាយបច្ចេកវិទ្យារាំងស្ទះ, មីស៊ីលកម្ទេចនាវា, មីស៊ីលពីដីទៅអាកាស និងយន្តហោះទម្លាប់គ្រាប់បែកធន់ធ្ងន់ជាច្រើនគ្រឿងនៅសមុទ្រចិនខាងត្បូង។ ផ្ទុយទៅវិញ ទង្វើនេះត្រូវបានរដ្ឋលេខាធិការការពារជាតិអាមេរិកចោទប្រកាន់ចិនថា កំពុងបំភិតបំភ័យ និងគំរាមកំហែងនៅតំបន់កំពុងមានជម្លោះ៕