ភស្តុតាងច្បាស់ៗ ចំនួនអ្នកប្រើស៊ីម 3G/4G LTE និងហ្វេកប៊ុកនៅខ្មែរច្រើនជាងចំនួនប្រជាជនសរុប

2018-09-04 03:40:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កាលពីពេលថ្មីៗនេះ និយ័តករទូរគមនាគមន៍កម្ពុជា បានបញ្ចេញរបាយការណ៍មួយស្ដីពីចំនួន ស្ថិតិសេវាទូរគមនាគមន៍ នៅកម្ពុជា។ ទិន្នន័យទាំងនោះ គិតតាំងពីដើមឆ្នាំរហួត មកទល់ចុងខែសីហាឆ្នាំ២០១៨ ផ្តល់ដោយប្រតិបត្តិករចំនួន៧ផ្សេងគ្នា ដែលកំពុងប្រតិបត្តិការផ្តល់សេវានេះ។

រូបតំណាង

នៅក្នុងនោះដែរ មានបែងចែកជា ៦ ប្រភេទគឺ ចំនួនទូរសព្ទចល័ត ចំនួនទូរសព្ទអចល័ត ចំនួនបណ្តាញអ៊ីនធឺណិតចល័ត 3G/4G-LTE ចំនួនបណ្តាញអ៊ីនធឺណិតអចល័ត ចំនួនអ្នកប្រើប្រាស់គណនីហ្វេសបុកនៅកម្ពុជា និងចំនួនប្រជាជនសរុប។

១) ចំនួនទូរសព្ទចល័ត (ផ្តល់ដោយប្រតិបត្តិករចំនួន៦) សរុប ១៩.០៧៥.៧២៥ ស៊ីមកាត ត្រូវនិង ១១៨,៧០% បើធៀបនិងប្រជាជនសរុប។
២) ចំនួនទូរសព្ទអចល័ត (ផ្តល់ដោយប្រតិបត្តិករចំនួន៧) សរុប ១០២.៧៧៥ ខ្សែ ត្រូវនិង ០,៦៤% បើធៀបជាមួយប្រជាជនសរុប។
៣) ចំនួនបណ្តាញអ៊ីនធឺណិតចល័ត 3G/4G-LTE (ផ្តល់ដោយប្រតិបត្តិករចំនួន ៧) សរុប ១២.០៩៦.៣១៦ ស៊ីមកាត ក្នុងចំណោមស៊ីមកាតទូរសព្ទចល័ត ១៩.០៧៥.៧២៥ ត្រូវនិង ៧៥,២៧% បើធៀបជាមួយប្រជាជនសរុប។ ដោយឡែកសម្រាប់ស៊ីមកាត ដែលចរាចរត្រូវបានភ្ជាប់ជាមួយ ឯកសារម្ចាស់កម្មសិទ្ធិ មានត្រឹម ៨២%តែប៉ុណ្ណោះ។
៤) ចំនួនបណ្តាញអ៊ីនធឺណិតអចល័ត (ផ្តល់ដោយប្រតិបត្តិករចំនួន ៣៤) សរុប ១៣២.៨៨៩ ខ្សែ ត្រូវនឹង ០,៨២% បើធៀបជាមួយប្រជាជនសរុប។
៥) អ្នកប្រើប្រាស់គណនីហ្វេសបុកនៅកម្ពុជាត្រឹមខែមករា ឆ្នាំ២០១៨ មានរហូតដល់ប្រមាណ ៦,៨ លានគណនី (តែមិនមានតួលេខបានធ្វើបច្ចុប្បន្នភាពរហូតដល់ខែសីហា ឆ្នាំ២០១៨ នេះឡើយ)។
៦) ប្រជាជនកម្ពុជាសរុបក្នុងឆ្នាំ ២០១៨ តាមការទស្សទ៍ទាយនិងប៉ាន់ស្មានដោយអង្គការ JiCa ជប៉ុន មានចំនួន ១៦.០៦៩.៩២១ នាក់៕

យោងតាមតួលេខនេះ សង្កេតឃើញថា ចំនួនអ្នកប្រើស៊ីម 3G/4G LTE ជាង ១៩ លាន ឯគណនីហ្វេកប៊ុកជាង ៦,៨ លានគណនី ខណៈដែល ចំនួនប្រជាជនសរុបត្រឹមតែជាង ១៦ លាននាក់ប៉ុណ្ណោះ។ ដូចនេះ បើគិតជាមធ្យមមនុស្សម្នាក់អាចមានស៊ីមកាត និងគណនីហ្វ៊េកប៊ុក លើសពី ២ ស្របពេលដែលស៊ីមកាត ១៨% គ្មានឯកសារបញ្ជាក់ម្ចាស់កម្មសិទ្ធិនោះទេ៕

អត្ថបទ៖ រក្សា