EPIC ទម្លាយរឿងសែនឈឺក្បាល មុនហ្គេម Fortnite ដាក់លេងលើ Android

2018-09-12 02:33:35
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ្គេម Fortnite ភាគច្រើនសុទ្ធតែស្គាល់ ជាប្រភេទហ្គេមបាញ់បោះ បូមរួមការកម្សាន្តនានាអំឡុងពេលលេង ជាមួយមិត្តភក្ដិទាំងស្គាល់ និងមិនស្គាល់។ ហ្គេមនេះអាចលេងលើ Platform ជាច្រើន ក្នុងនោះក៏មានលើ Android ចេញ ជំនាន់ Beta កាលនៅថ្ងៃទី ០៩ ខែសីហា។

ដំបូងហ្គេមនេះមានតែលើ Samsung device ប៉ុន្តែក៏នឹងរីករាលដាលដល់ទូរសព្ទផ្សេងទៀតផងដែរ។ ត្បិតប្រភេទទូរសព្ទមានព្រំដែនកំណត់ ក្រុមហ៊ុន Epic សម្គាល់ឃើញអ្នកលេងមានដល់ទៅ ១៥ លាននាក់ ត្រឹមដាក់ចេញរយៈពេល ២១ថ្ងៃ។

មានចំណុចធំៗជាច្រើន Fortnite ត្រូវជម្នះរួមទាំង Hardware និង Software ដើម្បីពង្រីកវិសាលភាពរបស់ហ្គេម។ ហ្គេមនេះប្រើ Unreal Engine ជាប្រព័ន្ធអភិវឌ្ឍន៍ហ្គេម 3D អាចលេងបានលើ Platform ជាច្រើន ដូចនេះពុំមានត្រូវការបង្កើតហ្គេមឡើងវិញនោះទេ ចំណុចសំខាន់គឺផ្ដោតលើការសម្រួលល្បឿន និងការប្រើមេម៉ូរី។

Hardware

ទូរសព្ទប្រើ Android មានច្រើនប្រភេទ ផ្ដល់ជម្រើសយ៉ាងល្អដល់អ្នកប្រើប្រាស់ ប៉ុន្តែមិនសូវល្អ ចំពោះអ្នកបង្កើតហ្គេមនោះទេ។

ឧទាហរណ៍៖ ទូរសព្ទអាចប្រើ Chip ខុសគ្នា ខ្លះឃើញប្រើ Chip Snapdragon របស់ Qualcomm ដែលមាន GPUs Adreno ហើយខ្លះទៀតប្រើ Chip Exynos របស់ Samsung, MTxxxx របស់ MediaTek ឬ Kirin របស់ Huawei។ Chip ទាំងនេះប្រើ GPU Mali របស់ ARM។

GPU ខ្លះអាចប្រើត្រឹម OpenGL 3x ហើយខ្លះទៀតអាចប្រើ OpenGL 3.x និង Vulkan។ ក្រុមហ៊ុន Epic ពិនិត្យឃើញថា Device ប្រើ GPU ដូចគ្នា អាចមានជំនាន់ Graphic Driver ខុសគ្នា ដែលអាចផ្ដល់នូវល្បឿនខុសគ្នាផងដែរ។

ដើម្បីទទួលបានលទ្ធផលល្អលើ Device របស់ Samsung ក្រុមហ៊ុន Epic បានធ្វើការយ៉ាងជិតស្និទ្ធជាមួយវិស្វកររបស់ Samsung ក្នុងនោះក៏មានចែករំលែកកូដដល់អ្នក Render Vulkan ផងដែរ។ Google និង វិស្វកររបស់ខ្លួនក៏បានជួយដល់ Epic កំណត់សម្គាល់តំបន់សម្រាប់ពង្រឹងផងដែរ។

Software

ក្រុមហ៊ុន Epic បានពិនិត្យឃើញថា អ្នកលេង Fortnite ៩២% កំពុងប្រើ Android 8.0 Oreo ឬជំនាន់ក្រោយ។

រាល់ Device មានចំនួនមេម៉ូរី និង Settings ខុសៗគ្នា ក្នុងការបិទកម្មវិធី ករណីមេម៉ូរីសល់តិចតួច។ Epic បានសាកល្បងមេម៉ូរីចំពោះ Samsung Galaxy S8 (ប្រើ GPU Mali) ពិនិត្យឃើញថា អាចប្រើមេម៉ូរីបាន 3GB នៃ 4GB មុនពេលបិទ។ ប៉ុន្តែលើ Google Pixel 2 អាចប្រើបានត្រឹម 1.8GB នៃ 3.6GB។ Device ទាំងពីរមាន RAM ស្ទើរ ឬស្មើ 4GB ប៉ុន្តែ Pixel 2 មិនសូវជាមានភាពប្រើបានរលូននោះទេ។

ដើម្បីងាយស្រួលតម្រូវដល់ប្រភេទ Device នានា ទាក់ទងនឹងល្បឿន និងលទ្ធភាពមេម៉ូរី ក្រុមហ៊ុន Epic បានផ្ដល់ជម្រើសដល់អ្នកលេងហ្គេមមានកម្រិត Low, Mid, High និង Epic ក្នុងការកែប្រែសម្រួលល្បឿន បន្ថយគុណភាពរូប៕