លាភ រដ្ឋា លេង កំពែង ខ្មៅ ចាស់ដៃវង្វេងពេញសង្វៀនកាលពីថ្ងៃសៅរ៍

2018-09-12 04:11:15
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ល្អកណ្ដាប់ដៃ លាភ រដ្ឋា ផ្ដល់មេរៀនយ៉ាងចាស់ដៃដល់ កំពែង ខ្មៅ នាវគ្គជម្រុះជុំទី៣នៃពានរង្វាន់របស់សង្វៀនប៉ុស្តិ៍លេខ៥កាលពីថ្ងៃសៅរ៍កន្លងទៅនេះ។

លាភ រដ្ឋា

លាភ រដ្ឋា បានឲ្យដឹងថា ប៉ះជាមួយកីឡាករ កំពែង ខ្មៅ ជុំទី៣នៃពានរង្វាន់ខាងលើនេះមិនសូវជាលំបាកនោះទេ ពោលស្រួយជាងប្រកួតជុំមុនៗទៅទៀត។ ហេតុផលដែលស្រួលជាងមុននេះៗ គឺដោយសារតែដៃគូមិនសូវមានកម្លាំង អាចថាមកពីគេឡើងប្រកួតញឹកពេកក៏ថាបាន។

ជើងខ្លាំងរូបនេះបន្ថែមថា ពិតជាសប្បាយចិត្តដែលអាចឡើងទៅវគ្គពាក់កណ្ដាលផ្ដាច់ព្រ័ត្រ ព្រោះអីពីមុនមកមិនដែលឈានដល់វគ្គនេះទេ មុនការប្រកួតក៏មិនរំពឹងថាអាចឈានដល់ជុំទី៤នោះដែរ។ នៅប្រកួតបន្ទាប់នឹងខំប្រឹងប្រែងហ្វឹកហាត់ឲ្យខ្លាំងជាងនេះទៅទៀត ដើម្បីឈានទៅវគ្គផ្ដាច់បន្តទៀត។

រំលឹកដែរថា លាភ រដ្ឋា ឈ្នះពិន្ទុកីឡាករ កំពែង ខ្មៅ កាលពីថ្ងៃសៅរ៍ ទី៨ ខែកញ្ញ ២០១៨។ ទោះឈ្នះពិន្ទុមែន ប៉ុន្តែជើងខ្លាំងខាងលើនេះ វ៉ៃ កំពែង ខ្មៅ រាប់ស្ទើរគ្រប់ទឹក ខណៈពេលរាប់ម្ដងៗវង្វេងពេញសង្វៀនតែម្ដង។ រដ្ឋា នឹងត្រូវឡើងទៅជុំទី៤ ប៉ះ ឡុង រ៉ាមី ជាបន្តទៀតក្នុងវគ្គពាក់កណ្ដាលផ្ដាច់ព្រ័ត្រ៕