ប្រឡូកសិល្បៈជាថ្មីមិនធ្វើឲ្យ ស៊ូ រតនៈ ខកបំណងដូចពេលមុន

2018-09-20 09:45:44
ចំនួនមតិ 0 | ចំនួនចែករំលែក 0

ចន្លោះមិនឃើញ

កំលោះសង្ហា ស៊ូ រតនៈ ចូលប្រឡូកសិល្បៈមុនដំបូងក្នុងឆ្នាំ ២០១៣ តាមរយៈការជ្រើសរើសតារាសម្ដែង និងបង្ហាញម៉ូដរបស់ផលិតកម្មមួយ។ ក្រោយមកខាងផលិតកម្មក៏បានបញ្ជូនលោកឲ្យទៅហ្វឹកហាត់បន្ថែមនៅក្រុមហ៊ុនដើរម៉ូដមួយទៀត។

បន្ទាប់ពីហ្វឹកហាត់ដើរម៉ូដ និងសម្ដែងនៅក្រុមហ៊ុនដើរម៉ូដរួចមកក៏ស្ងាត់ឈឹងតែម្ដង មិនមានក្រុមហ៊ុន ឬ ក៏ផលិតកម្មណាមួយទាក់ទងមកនោះទេ។ ឃើញដូច្នេះ លោក ក៏សម្រេចចិត្តឈប់ពីសិល្បៈតែម្ដងទៅដើម្បីយកពេលវេលាហ្នឹងទៅប្រឹងប្រែងរៀនសូត្រនៅ វិទ្យាស្ថានស៊ីតិច ផ្នែក IT បញ្ចប់ក្នុងឆ្នាំ២០១៦។

ក្រោយពីបញ្ចប់ថ្នាក់បរិញ្ញាប័ត្រក្នុងឆ្នាំ ២០១៦ ស៊ូ រតនៈ ក៏បានសម្រេចចិត្តចូលសិល្បៈជាថ្មីនៅដើមឆ្នាំ ២០១៧ ។ ការចូលប្រឡូកម្ដងនេះមិនបានធ្វើឲ្យលោក ខកបំណងនោះទេ មានក្រុមហ៊ុន និងបណ្ដាផលិតកម្មមួយចំនួនទាក់ទងឲ្យថតMV និងស្ប៉តជាបន្តបន្ទាប់ជាឱកាសមួយធ្វើឲ្យកំលោះសង្ហាមកពីខេត្តកណ្ដាលរូបនេះ ជ្រៀតចូលទីផ្សារសម្ដែងភាពយន្តបានយ៉ាងលឿនដូចកាំជ្រួច។

ជាមួយអារម្មណ៍ជោគជ័យចំពោះការវិលត្រឡប់មកកាន់វិថីសិល្បៈម្ដងនេះ ស៊ូ រតនៈ បានរៀបរាប់ថា៖" និយាយទៅការវិលត្រឡប់មកលើកនេះមិនបានធ្វើឲ្យខ្ញុំខកបំណងដូចលើកមុននោះទេ។ ខ្ញុំត្រូវបានផលិតករទាក់ទងឲ្យថតរឿងភាគត្រៀមចាក់ផ្សាយនៅប៉ុស្តិ៍ទូរទស្សន៍មានដូចជារឿង "ភ្លើង" "ទាសីបេះដូង" "ស្នាមសាក់លើស្មា" និងរឿងមួយចំនួនទៀ"៕