វៀតណាម តែងតាំងប្រធានាធិបតីស្រីដំបូងបង្អស់ ក្រោយបាត់បង់មេដឹកនាំកំពូល
- 2018-09-24 03:37:36
- ចំនួនមតិ 0 | ចំនួនចែករំលែក 0
វៀតណាម តែងតាំងប្រធានាធិបតីស្រីដំបូងបង្អស់ ក្រោយបាត់បង់មេដឹកនាំកំពូល
ចន្លោះមិនឃើញ
វៀតណាម បានតែងតាំងប្រធានាធិបតីស្រីដំបូងបង្អស់របស់ខ្លួន បន្ទាប់ពីលោក Tran Dai Quang បានស្លាប់ដោយសារតែជំងឺ នៅអាយុ៦១ឆ្នាំ កាលពីថ្ងៃសុក្រ ទី២១ ខែកញ្ញា ឆ្នាំ២០១៨ កន្លងទៅនេះ។
លោកស្រី Nguyen Thi Ngoc Thinh ដែលមានមុខតំណែងជាអនុប្រធានាធិបតីវៀតណាមតាំងពីខែមេសា ឆ្នាំ២០១៦ នឹងក្លាយជាប្រធានាធិបតីស្ដីទី ជំនួសលោក Quang រហូតដល់ការបោះឆ្នោតនៃរដ្ឋសភាវៀតណាម ដើម្បីជ្រើសរើសមេដឹកនាំថ្មី។
គួរឲ្យដឹងថា វៀតណាម នឹងប្រារព្ធពិធីកាន់ទុក្ខនៅថ្ងៃពុធ និងព្រហស្បតិ៍ ដើម្បីគោរពដល់លោក Quang ដែលជាមេដឹកនាំកំពូលម្នាក់ក្នុងចំណោមមេដឹកនាំកំពូលទាំង៤ របស់វៀតណាម។
សូមបញ្ជាក់ថា ក្រោមរដ្ឋធម្មនុញ្ញវៀតណាម អនុប្រធានាធិបតី ត្រូវទទួលតំណែងជាប្រធានាធិបតីស្ដីទី ប្រសិនបើប្រធានាធិបតីទទួលមរណភាពក្នុងអាណត្តិ។ រដ្ឋសភាវៀតណាម នឹងធ្វើការជ្រើសរើសអ្នកជំនួសថ្មី។ រដ្ឋសភាវៀតណាម នឹងបើកកិច្ចប្រជុំ នៅថ្ងៃទី២២ ខែតុលា ខាងមុខនេះ៕
ចុចអាន៖