គិតប៉ុន្មានចំណុចនេះ ក៏មិនទាន់ហួសពេលដែរ បើចង់ទិញ iPhone XS ទំហំ 64GB, 256GB ឬ 512GB

2018-09-26 23:37:00
ចំនួនមតិ 0 | ចំនួនចែករំលែក 0

ចន្លោះមិនឃើញ

iPhone XS និង XS Max ជាជំនាន់ iPhone ដំបូងមានទំហំ Storage ដល់ទៅ 512GB អាចថាធំជាងទំហំ SSD Laptop ល្មមៗ។ ត្បិតថាមានទំហំ Storage ធំ ប៉ុន្តែក៏ត្រូវការប្រើច្រើនដែរ សម្រាប់ប្រព័ន្ធ កម្មវិធី ឬហ្គេម។

ប្រព័ន្ធ អាចចំណាយពី 7.6GB ទៅ 8GB
កម្មវិធីនានា ដូចជាបណ្ដាញសង្គមចំណាយ Space មិនសូវច្រើនទេ ប៉ុន្តែបូកផ្សំនឹង Cache អាចកើនច្រើន។
ហ្គេម ចំណាយ Space ធំៗណាស់ ឧទាហរណ៍ គ្រាន់តែ Fortnite ប្រើដល់ទៅ 3.8GB។

ចំពោះវីដេអូ Resolution និង Framerate កាន់តែខ្ពស់ ទំហំក៏កើនតាមនោះដែរ។ iPhone XS ផ្តល់ជម្រើស Resolution និង Framerate មួយចំនួនដូចជា៖

720p at 30fps: 40MB ក្នុងមួយនាទី
1080p at 30fps: 60MB ក្នុងមួយនាទី (ជា Default)
1080p at 60fps: 90MB ក្នុងមួយនាទី
4K at 24fps: 135MB ក្នុងមួយនាទី
4K at 30fps: 170MB ក្នុងមួយនាទី
4K at 60fps: 400MB ក្នុងមួយនាទី

តន្ត្រី បើទាញយកស្តាប់ Offline ពី Apple Music អាចចំណាយទំហំ 9.2MB ហើយ 1GB បានប្រហែល 108 បទ។

ចុះទំហំ iPhone XS មួយណាគួរជ្រើសរើស?

iPhone XS 64GB៖

មានកម្មវិធីចាំបាច់ និងហ្គេមមួយចំនួនដំឡើងក្នុងម៉ាស៊ីន អាចសល់ទំហំបាន 37GB ល្មមដាក់បានបទចម្រៀង 1000 បទ, រូបភាព 2500, រូប Live Photos 2500 និងវីដេអូកម្រិត 4K ល្បឿន 30 Frames ក្នុងមួយវិនាទី រយៈពេលពីរម៉ោង។ ទំហំ iPhone 64GB ប៉ុណ្ណឹង គួរទាញប្រយោជន៍បន្ថែមពី iCloud ក្នុងការផ្ទុករូបភាព និងវីដេអូ។

iPhone XS 256GB៖

មានកម្មវិធីចាំបាច់ និងហ្គេមមួយចំនួន អាចសល់ទំហំបានប្រហែល 229GB ល្មមដាក់បានបទចម្រៀង 6000 បទ, រូបភាព 15 000 និងរូប Live Photos 15 000 ហើយវីដេអូ 4K ល្បឿន 30 Frames ក្នុងមួយវិនាទីបានរយៈពេល 18 ម៉ោង។ ជម្រើសនេះល្អសម្រាប់មនុស្សភាគច្រើន ដែលមិនមានគម្រោងផ្លាស់ប្ដូរទូរសព្ទឆាប់ៗ។

iPhone XS 512GB៖

ជាមួយកម្មវិធីចាំបាច់ និងហ្គេមមួយចំនួនក្នុងម៉ាស៊ីន អាចសល់ទំហំ 485GB ល្មមដាក់បានបទចម្រៀង 13 000 បទ, រូបភាព 32 500 និងរូប Live Photos 32 500 ហើយវីដេអូ 4K ល្បឿន 30 Frames ក្នុងមួយវិនាទីបានរយៈពេល 26 ម៉ោង។ ជម្រើសទំហំនេះ ល្អសម្រាប់អ្នកប្រើប្រាស់ទូរសព្ទចូលចិត្ត ទុករូបភាពច្រើន និងកាត់តវីដេអូនៅនឹង Device តែម្តង៕