រឿង សោភ័ណ្ឌ មិនទាន់ស្គាល់ជាតិបាយចូលពោះ ព្រោះទម្ងន់មិនទាន់ស្រក

2018-09-27 12:10:09
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកប្រដាល់ជួរមុខរបស់កម្ពុជា រឿង សោភ័ណ្ឌ មិនទាន់ស្គាល់ជាតិបាយបន្តិចទេមកដល់ពេលនេះ ហើយបានត្រឹមអង្គុយមើលគេទេ ព្រោះទម្ងន់មិនទាន់ស្រក់នៅឡើយ ឥលូវកំពុងតែធ្វើទម្ងន់បន្តទៀត។

រឿង សោភ័ណ្ឌ ពេលសម្រក់ទម្ងន់នៅមីយ៉ាន់ម៉ា

រឿង សោភ័ណ្ឌ ប្រាប់ឲ្យដឹងថា មិនហ៊ានញ៉ុំអ្វីនោះទេ ដូចជាបាយជាដើម ព្រោះទម្ងន់មិនទាន់ស្រកដល់គីឡូដែលត្រូវប្រកួតនៅថ្ងៃទី២៩ ខែកញ្ញា ២០១៨ នៅឡើយទេ។ បើទោះជាឃ្លាន គឺបានត្រឹមញុំទឹក ឬនំបន្តិចបន្តួចប៉ុណ្ណោះ។

លោកគ្រូ ហ៊ុន ច័ន្ទរាជ្យ ក៏លើកឡើងដែរថា ឥលូវនេះកីឡាករ រឿង សោភ័ណ្ឌ កំពុងតែធ្វើទម្ងន់ ដោយត្រូវរត់ផង និងត្រូវចូលបន្ទប់ Suana បន្ថែមទៀត ដើម្បីឲ្យសម្រកទម្ងន់ជាបណ្ដើរៗ។ នៅព្រឹកស្អែកនេះ កីឡាករកម្ពុជាខាងលើ នឹងហ្វឹកហាត់ថែមទៀត រួមទាំងធ្វើគីឡូឲ្យដល់ ៦៧ ហើយចូលថ្លឹងសម្រេចផ្លូវការនាម៉ោងប្រហែល៩ព្រឹកតែម្ដង។

រឿង សោភ័ណ្ឌ ពេលសម្រក់ទម្ងន់នៅមីយ៉ាន់ម៉ា

រំលឹកដែរថា កីឡាករ រឿង សោភ័ណ្ឌ និង ពេជ្រ ម្ទេសខ្មាំង នឹងត្រូវប្រកួតជាមួយកីឡាករមីយ៉ាន់ម៉ា នាថ្ងៃទី២៩ ខែកញ្ញា ២០១៨ ក្នុងទីក្រុង Yangon។ សោភ័ណ្ឌ វ៉ៃលើទម្ងន់ ៦៣,៥ ដល់ ៦៧គីឡូក្រាម ខណៈ ម្ទេសខ្មាំង វ៉ៃលើទម្ងន់ ៥៧ ដល់ ៦០គីឡូក្រា៕

អត្ថបទ៖ នួន ស៊ីណា