ចាន់ ប៊ុនលាភ សមត្ថភាពនៅទាបខ្លាំង កំដរ ឈោក ឆៃ បាន៤ទឹកទេ

2018-09-26 07:14:04
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ ចាន់ ប៊ុនលាភ សមត្ថភាពនៅមានកម្រិតទាប កំដរជើងខ្លាំងថៃ ឈោក ឆៃ បាន៤ទឹកប៉ុណ្ណោះកាលពីថ្ងៃសៅរ៍ ទី២២ ខែកញ្ញា ២០១៨កន្លងទៅនៅសង្វៀនប៉ុស្តិ៍លេខ៥។

ចាន់ ប៊ុនលាភ(ក្រហម)

ចាន់ ប៊ុនលាភ ចូលដល់ទី១ភ្លាម ខំព្យាយាមស្ទាបស្ទង់ពីសមត្ថភាពរបស់ដៃគូ និងវ៉ៃយកពិន្ទុ ដោយកម្លាំងនៅមានពេញផងនោះ ជាហេតុមិនសូវពិបាកឡើយ ខណៈកីឡាករថៃក៏មិនទាន់ជាប្រើអាវុធធ្ងន់អ្វីនោះឡើយ។

ចាន់ ប៊ុនលាភ(ក្រហម)

ចូលដល់ទឹកបន្ទាប់ ចាប់ពីទឹកទី២ ដល់ទី៤ កីឡាករកម្ពុជាខាងលើហាក់ធ្វើមិនល្អនោះឡើយ ពោលគឺពិបាកវ៉ៃដៃគូ ខណៈ ឈោក ឆៃ ក៏ឆ្មក់ដៃបានមុន ស្របពេល ប៊ុនលាភ ចេញមិនដល់ដៃគូឡើយ។ ដោយកម្រិតសមត្ថភាពនៅទាបពេក ទាំងកម្លាំង ទាំងការចូលចាប់ផងនោះ ទើបអាជ្ញាកណ្ដាលសម្រេចបញ្ឈប់ការប្រកួតត្រឹមទី៤តែម្ដង ព្រោះបណ្ដោយឲ្យប្រកួតទៀតអាចមានគ្រោះថ្នាក់។

ចាន់ ប៊ុនលាភ(ក្រហម)

ជើងខ្លាំងរបស់ថៃ ឈោក ឆៃ ម្នាក់នេះនៅតែល្អស្នៀតចូលចាប់ដដែល ខណៈការចាប់បានម្ដងៗវ៉ៃជង្គង់ស្ទើរក្បែរក្បាលដៃគូទៅហើយ រួមផ្សំនិងកម្លាំងខ្លាំងថែមទៀតនោះ វារឹតតែធ្វើឲ្យកីឡាករកម្ពុជា ចាន់ ប៊ុនលាភ បានត្រឹមនៅកៀបនិងសង្វៀន ឬបែរគូថដាក់ប៉ុណ្ណោះ។

ចាន់ ប៊ុនលាភ(ក្រហម)

រំលឹកដែរថា ចាន់ ប៊ុនលាភ ត្រូវបានគេផ្គូរផ្គង់ឲ្យក្លាយជាគូឯកប្រចាំសប្ដាហ៍នៅសង្វៀនទូរទស្សន៍ប៉ុស្តិ៍លេខ៥ កាលពីថ្ងៃសៅរ៍ ទី២២ ខែកញ្ញា ២០១៨នេះ ដោយត្រូវប៉ះកីឡាករថៃ ឈោក ឆៃ។ អ្នកប្រដាល់កម្ពុជារូបនេះត្រូវអាជ្ញាកណ្ដាលបញ្ឈប់ការប្រកួតឲ្យចុះចាញ់ត្រឹមទឹកទី៤ប៉ុណ្ណោះ៕

វីដេអូប្រកួត៖