អ្នកប្រើ iPhone មិនប្រយ័ត្ន អាចស៊ីលុយអ៊ីនធឺណិតខ្ទេច បើអត់ចាប់អារម្មណ៍បិទមុខងារនេះ

2018-10-02 13:36:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ប្រសិនជាអ្នកភ្ជាប់ Apple ID តែមួយលើឧបករណ៍ iOS ច្រើន ជាញឹកញយតែងតែឃើញ App ដែលអ្នកបាន Download លោតទៅកាន់ឧបករណ៍ផ្សេងដោយស្វ័យប្រវត្តិ នេះក៏ព្រោះការដំណើរការមុខងារពិសេសឲ្យឈ្មោះថា Automatic Downloads ។

មុខងារនេះ ផ្តល់អត្ថប្រយោជន៍ឲ្យ App ក្នុងម៉ាស៊ីនទាំងអស់ស្ថិតលើ Version ចុងក្រោយ ប៉ុន្តែក៏ចាំបាច់ត្រូវត្រួតពិនិត្យលើការ Download ដោយឲ្យប្រើប្រាស់ Wi-Fi ជៀសវាងដំណើរការតាមអ៊ីនធឺណិត SIM នោះអ្នកអាចនឹងប្រឈមបញ្ហាខាតបង់ថវិកា។ ម្យ៉ាងវិញទៀតប្រសិនអ្នកគិតថាមុខងារនេះ មិនចាំបាច់ខ្លាំងសម្រាប់អ្នក នោះក៏អាចធ្វើការបិទបាននៅក្នុង Settings ដែរ ដែលប្រិយមិត្តអាចអនុវត្តបានដូចខាងក្រោម៖

១.ចូលទៅកម្មវិធី Settings

២.បើកចូលទីតាំង Apple ID នៅផ្នែកខាងលើបង្អស់

៣.ចូលទៅកាន់ iTunes & App Store

៤.ត្រង់នេះអាចកំណត់លើមុខងារ Automatic Downloads ដោយផ្នែកខាងក្រោមមាន Music, Apps, Books និង Updates ដោយជម្រើស Updates មានន័យថា Apps ទាំងអំបាលម៉ានលើម៉ាស៊ីននឹងស្វ័យប្រវត្តិដំឡើងទៅជំនាន់ចុងក្រោយដោយឯកឯង។

ប្រសិនចង់ដំណើរការមុខងារនេះ ក៏គួរណាតែធ្វើ ប៉ុន្តែត្រូវបិទលើទីតាំង Use Cellular Data ដោយមានន័យថាលើកលែងតែឧបករណ៍ភ្ជាប់ទៅ Wi-Fi ទើបមុខងារ Automatic Downloads ចាប់ដំណើរការ។

ប្រសិនជាអ្នកចង់បិទចោលទាំងអស់ ឬរើសយកមុខងារសំខាន់ណាមួយ ក៏អាចបិទបើកតាមរយៈ Toggle នៅខាងក្រោមនៃមុខងារនីមួយៗដូចបានកំណត់ដែរ៕