បាត់ឈឺក្បាល iOS 12 មានបញ្ហា មានដំណោះស្រាយមួយចំនួន អាចយកទៅអនុវត្តបាន

2018-10-03 01:38:02
ចំនួនមតិ 0 | ចំនួនចែករំលែក 0

ចន្លោះមិនឃើញ

iOS 12 ជាជំនាន់ចុងក្រោយរបស់ Apple ជាបំណងប្រាថ្នានៃម្ចាស់ iPhone ជាច្រើន ដោយផ្តល់ទាំងល្បឿន និងមុខងារថ្មីៗ។ ប៉ុន្តែ បញ្ហាត្រូវបានសម្គាល់ ពីអ្នកប្រើប្រាស់ជាច្រើន។

១) បញ្ហា៖ អ្នកប្រើប្រាស់មួយចំនួនលើ Reddit ក្រោយពេលអាប់ដេត iOS 12 ពណ៌លើអេក្រង់ មានសភាពស្លេកៗ មិនដុតច្បាស់ល្អដូចមុន។ ភាគច្រើនបញ្ហានេះមានលើ iPhone X ដោយប្រើអេក្រង់ប្រភេទ OLED។ អេក្រង់ OLED មានលក្ខណៈភ្លឺ និងពណ៌ដុតច្បាស់ល្អ។

ដំណោះស្រាយ៖ មិនទាន់មាននៅឡើយទេ។ នេះអាចទៅរួច Apple នឹងដោះស្រាយលើកំណែទម្រង់បន្ទាប់។

២) បញ្ហា៖ ក្រោយពេលអាប់ដេត អ្នកប្រើប្រាស់មួយចំនួន បានសម្គាល់ឃើញថារូប icon Bluetooth បានបាត់ពី Status bar ហើយខ្លះទៀតថា Bluetooth មិនដំណើរការតែម្តងលើ iOS 12។

ដំណោះស្រាយ៖ ចូលទៅកាន់ Settings > Bluetooth រួចបិទ នឹងបើកបច្ចេកវិទ្យានេះម្តងទៀត។ បើនៅតែមិនដើរ ចូលទៅកាន់ Settings > General > Reset > Reset Network Settings។

៣) បញ្ហា៖ អ្នកប្រើប្រាស់មួយចំនួនឲ្យដឹងថា iOS 12 ធ្វើឲ្យកម្មវិធីមួយចំនួនគាំងច្រើន។

ដំណោះស្រាយ៖ បើកកម្មវិធី App Store ហើយចុច Updates ពី Menu bar។ ធ្វើការអាប់ដេតរាល់កម្មវិធី មានកំណែទម្រង់ថ្មីៗ។ បិទកម្មវិធី និងបើកឡើងវិញ រួចបិទ និងបើកទូរសព្ទ៕