ប្រទេសទាំង៥ ដែលមានចំនួនជនភៀសខ្លួនច្រើនជាងគេលើពិភពលោក
- 2018-10-10 11:40:48
- ចំនួនមតិ 0 | ចំនួនចែករំលែក 0
ប្រទេសទាំង៥ ដែលមានចំនួនជនភៀសខ្លួនច្រើនជាងគេលើពិភពលោក
ចន្លោះមិនឃើញ
បើតាមរបាយការណ៍របស់ឧត្ដមស្នងការទទួលបន្ទុកជនភៀសខ្លួនរបស់ UN កាលពីឆ្នាំ ២០១៧ នៅជុំវិញពិភពលោកមានអ្នកដែលភៀសចេញពីតំបន់ប៉ះទង្គិចគ្នាមានប្រមាណ ៦៨.៥លាននាក់ហើយអ្នកភៀសចេញពីប្រទេសកំណើតមានរហូតដល់ទៅ២៥.៤លាននាក់ ដែលច្រើនជាងពាក់កណ្ដាលគឺជាកុមារ។ បណ្ដាប្រទេសទាំង៥ខាងក្រោមជាប្រទេសដែលមានជនភៀសខ្លួនច្រើនជាងគេលើលោក៖
១.ប្រទេសស៊ីរី៖ មានជនភៀសខ្លួនចេញពីប្រទេសសរុបជាង ៦.៣លាននាក់ ដោយសារតែសង្គ្រាមស៊ីវិលរ៉ាំរ៉ៃ។
២.ប្រទេសអាហ្វហ្គានីស្ថាន៖ មានជនភៀសខ្លួនសរុបជាង២.៦លាននាក់ដោយសារតែសង្គ្រាមកាន់តែអាក្រក់ខ្លាំងចាប់ពីឆ្នាំ២០១៥មក។
៣.ប្រទេសស៊ូដង់ខាងត្បូង៖ ជនភៀសខ្លួនចេញពីប្រទេសកើតថ្មីនេះមានប្រមាណ ២.៤លាននាក់ដោយសារតែអំពើហិង្សាដ៏ឃោរឃៅ។
៤.ប្រទេសមីយ៉ាន់ម៉ា៖ មានជនភៀសខ្លួនមានចំនួន១.២លាននាក់។
៥.ប្រទេសសូម៉ាលី៖ ជនភៀសខ្លួនចេញពីប្រទេសនៃទ្វីបអាហ្វ្រិកនេះមានចំនួនជាង៩៨ម៉ឺននាក់ ដោយសារតែទំនាស់រ៉ាំរ៉ៃ និងគ្រោះរាំងស្ងួតដ៏កាចសាហាវ៕