គូជក់ចិត្តយប់នេះ ប៉ូឡូញ ឬ អ៊ីតាលីនៅ Nation League ?
- 2018-10-14 06:28:41
- ចំនួនមតិ 0 | ចំនួនចែករំលែក 0
គូជក់ចិត្តយប់នេះ ប៉ូឡូញ ឬ អ៊ីតាលីនៅ Nation League ?
ចន្លោះមិនឃើញ
ជំនួបជក់ចិត្តយប់នេះក្រុមប៉ូឡូញ ត្រូវបើកទ្វាផ្ទះ Stadion Śląski របស់ខ្លួនស្វាគមន៍ក្រុមខ្លាំង អ៊ីតាលី នាវេលាម៉ោង ១:៤៥ នាទីយប់រំលងអាធ្រាត្រនៃការប្រកួតទី២ក្នុងពូល A (៣) នៃព្រឹត្តិការណ៍ Uefa Nation League ។
អំពីអ៊ីតាលី៖
នេះជាការប្រកួតផ្លូវការលើកទី៣ ក្រោមការដឹករបស់ Roberto Mancini ។ អ្នកចាត់ការរូបនេះបានសម្រេចចិត្តប្រើកីឡាករចម្រុះ ដោយមានអ្នកដែលមានបទពិសោធច្រើន និងកីឡាករវ័យក្មេង។
ខ្សែបម្រើឆ្នើមរបស់ Chelsea , Jorginho នឹងក្លាយជាកូនសោសំខាន់របស់អ៊ីតាលី ស្របពេលដែល ខ្សែប្រយុទ្ធ Balotelli និង Immobile សុទ្ធតែយល់ដឹងច្បាស់ពីរៀបចង់លេងរបស់ Mancini ។
យប់នេះ Roberto Mancini នឹងប្រើទម្រង់ ៤-៣-៣ ដែលជម្រើស១១នាក់ដំបូងអាចជា៖ អ្នកចាំទី Donnarumma ខ្សែការពារ Zappacosta, Bonucci, Chiellini, Criscito ខ្សែបម្រើ Cristante/Benassi, Jorginho, Pellegrini/Bonaventura និងខ្សែប្រយុទ្ធ Chiesa, Balotelli, Insigne។
អំពីប៉ូឡូញ៖
ប៉ូឡូញបានបញ្ចប់ត្រឹមបាតតារាងកាលលេង World Cup វគ្គ៣២ក្រុមចុងក្រោយក្នុងពូល H ពូកគេឈ្នះតែមួយប្រកួតគត់ក្រោមការដឹកនាំរបស់លោក Adam Nawalka អ្នកចាត់ការមុនរបស់ពួកគេ។ បច្ចុប្បន្នប៉ូឡូញកំពុងស្ថិតនៅលើផ្លូវមួយដែលល្អប្រសើរឡើងវិញ ក្រោមការដឹកនាំរបស់លោក Jerzy Brzeczek ។
អ្នកចាត់ការថ្មីលោក Brzeczek បានមានឱកាសដើម្បីរុះរើក្រុមឡើងមកវិញ និងធ្វើការផ្លាស់ប្ដូរជម្រើស១១នាក់។ ខ្សែការពាររបស់ក្លឹប Monaco, Kamil Glik ដែលអវត្តមានកាល World Cup បានត្រឡប់មកជួយក្រុមវិញ។ ស្របពេលដែល អ្នកចាំទី Fabianski និង Szczesny ជាកីឡាករធ្វើបានល្អដូចគ្នាក្នុងក្លឹបរៀងខ្លួន។
ដូច្នេះជម្រើស១១នាក់របស់ ប៉ូឡូញ អាចជា៖ អ្នកចាំទី Fabiański/Szczesny ខ្សែការពារ Bereszyński, Glik, Kamiński/Bednarek, Rybus/Reca ខ្សែបម្រើ Błaszczykowski, Krychowiak, Zieliński ខ្សែប្រយុទ្ធ Kurzawa/Linetty; Milik, Lewandowski ៕