សិង្ហបុរី មិនដាក់កីឡាករ១១នាក់ល្អបំផុតលេងទល់កម្ពុជាល្ងាចនេះទេ

2018-10-16 01:52:43
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្រុមជម្រើសជាតិកម្ពុជា នឹងបើកទ្វាផ្ទះរបស់ខ្លួន ដើម្បីទទួលក្រុមភ្ញៀវសិង្ហបុរីនៅវេលាម៉ោង ៦:៣០ នាទីល្ងាចនេះនៅពហុកីឡដ្ឋានជាតិ សម្រាប់ការប្រកួតមិត្តភាពអន្តរជាតិ ដើម្បីត្រៀមខ្លួនការប្រកួតពានរង្វាន់ AFF Suzuki Cup 2018។

លោក Fandi Ahmad

ទាក់ទងការដាក់កីឡាករឲ្យលេងនៅល្ងាចនេះលោក Fandi Ahmad គ្រូបង្វឹករបស់ក្រុមសិង្ហបុរីបានឲ្យដឹងថា ជាការពិតក្រុមគួរតែដាក់កីឡាករល្អបំផុត ដើម្បីលេងយកឈ្នះការប្រកួត។ ប៉ុន្តែស្ថានភាពនេះគឺក្រុមមិនអាចដាក់កីឡាករល្អទាំងអស់លេងបានទេ ពីព្រោះក្រុមរបស់លោកស្ថិតក្នុងការធ្វើតេស្តកីឡាករថ្មីៗ ដើម្បីត្រៀមយកទៅហ្វឹកហាត់នៅជប៉ុន ក្នុងការត្រៀមខ្លួនលេងការប្រកួតផ្លូវការ AFF Suzuki Cup 2018។

លោកបន្ថែមថា កីឡាករថ្មីៗរបស់លោកសុទ្ធតែល្អ ដែលអាចលេងតទល់ជាមួយកម្ពុជា។ លោកគិតថា កម្ពុជាជាក្រុមខ្លាំងមួយក្នុងដី ក្រោមការទស្សនាជាមួយអ្នកគាំទ្រដ៏ច្រើន។ កម្ពុជាក៏បានបង្ហាញទម្រង់លេងយ៉ាងល្អទល់ក្រុមម៉ាឡេស៊ី បើទោះពេលនោះចាញ់ក្ដី។

ជំនួបគ្នាលើកចុងក្រោយនៅកម្ពុជាគឺកម្ពុជាយកឈ្នះសិង្ហបុរី ២-១ នៅពហុកីឡដ្ឋានជាតិកាលឆ្នាំ២០១៦៕

អត្ថបទ៖ ស្រី សុវណ្ណដារ៉ា