មកស្គាល់ មហាសេដ្ឋីពាន់លានដុល្លារវ័យក្មេងបំផុតលើលោក សង្ហាមិនចាញ់តារាល្បី
- 2018-10-18 03:50:00
- ចំនួនមតិ 0 | ចំនួនចែករំលែក 0
មកស្គាល់ មហាសេដ្ឋីពាន់លានដុល្លារវ័យក្មេងបំផុតលើលោក សង្ហាមិនចាញ់តារាល្បី
ចន្លោះមិនឃើញ
កាលពីដើមឆ្នាំនេះ បុរសសង្ហា Gustav Magnar Witzoe វ័យត្រឹម ២៥ឆ្នាំ ត្រូវបានជាប់ឈ្មោះជាមហាសេដ្ឋីពាន់លានដុល្លារវ័យក្មេងបំផុតរបស់ពិភពលោកដោយទស្សនាវដ្ដី Forbes។
មហាសេដ្ឋីមកពីប្រទេសន័រវេសរូបនេះ ត្រូវបានគេប៉ាន់ប្រមាណថាមានទ្រព្យសម្បត្តិសរុបជាទឹកប្រាក់ជាង ៣,១៨ ពាន់លានដុល្លារ។ លើសពីនេះទៀត សេដ្ឋីវ័យក្មេងរូបនេះ បានសម្ញែងជីវិតរស់នៅបែបស៊ីវិល័យរបស់ខ្លួនតាមរយៈបណ្ដាញសង្គម Instagram ដែលមាន Followers ជាង ៨០ម៉ឺននាក់។ លោក Gustav តែងបង្ហោះរូបធ្វើដំណើរជុំវិញពិភពលោកនៅកន្លែងល្បីៗជាច្រើន រួមទាំងបង្អួតរថយន្ដថ្លៃៗ, យន្តហោះផ្ទាល់ខ្លួន និងនាវាកម្សាន្ដផ្ទាល់ខ្លួនផងដែរ។
ទោះយ៉ាងណាក៏ដោយ យោងតាម Forbes ឲ្យដឹងថា ទ្រព្យសម្បត្តិភាគច្រើនរបស់លោក បានមកពីមរតករបស់ឪពុកដែលម្ចាស់កសិដ្ឋានត្រីសាម៉ុនធំបំផុតមួយក្នុងពិភពលោក បង្កើតឡើងកាលពីឆ្នាំ ១៩៩១៕