ក្តៅៗ! មើល​រូប​រាង​កុំព្យូទ័រ Koompi អ៊េម​ណាស់​កំពុង​អង្រួន​ចិត្ត​អ្នក​ទៅ​បាខែម

  • 2018-10-20 05:02:00
  • ចំនួនមតិ 0 | ចំនួនចែករំលែក 208

ចន្លោះមិនឃើញ

កុំព្យូទ័រ​គម្ពីរ (Koompi) កំពុង​តែ​ដាក់​តាំង​បង្ហាញ​ខ្លួន បង្អួត​សម្រស់​ឲ្យ​តេស្ត​សាកល្បង​នៅ​សាលា​តិចណូ​ក្នុង​កម្មវិធី​បាខែម​អាស៊ាន ២០១៨។

មនុស្ស​កុះ​ករ​កំពុង​ចោម​រោម​តេស្ត​ Koompi

ទោះ​ជា​មិន​មែន​កុំព្យូទ័រ​​សម្រាប់​លេង​ហ្គេម និង​ការ​រចនា​ធំៗ​ក្តី ប៉ុន្តែ​ Koompi មាន​លក្ខណៈ​ពិសេស​ត្រង់​ថា រាង​ស្អាត ស្តើង ងាយ​ស្រួល​ប្រើ​សម្រាប់​អ្នក​ធ្វើការ​​និង​និស្សិត​ត្រូវ​ធ្វើ​កិច្ចការ​សាលា​ដូច​ជា ធ្វើ​បទ​បង្ហាញ​អី​ជា​ដើម។

កុំព្យូទ័រនេះ​ប្រព័ន្ធ​ដំណើរការ Linux ប្រភេទ Open source ឈ្មោះ​ថា Kroma OS។ មិន​ត្រឹម​តែ​ជា OS ដែល​ជា​របស់​ផ្ទាល់​ខ្លួ​ន​ប៉ុណ្ណោះ​ទេ សូម្បី​តែ​រូបភាព​តាំង​បង្ហាញ wallpaper ក៏​ជា​របស់​អ្នក​ថត​រូប​ខ្មែរ​ផង​ដែរ។ កុំព្យូទ័រ​ ៥០០ គ្រឿង​ដំបូង​នឹង​ត្រូវ​ដាក់​លក់​ក្នុង​តម្លៃ ៣៦៩ ដុល្លារ ​ក្នុង​មួយ​គ្រឿង។

កុំព្យូទ័រ​គម្ពីរ មាន​លក្ខណៈ​សម្បត្តិ​ដូចជា មានទំហំអេក្រង់ ១៣,៣ អ៊ីញ​ FullHD(1920x1080px) បំពាក់​ដោយ RAM ទំហំ 8GB DD4 មាន USB-C Port 10 Gbps ថាសផ្ទុកឯកសារប្រភេទល្បឿនលឿន SSD ល្បឿន Read ~537 MB/s និង Write ~439 MB/s។ ប្រេីប្រាស់ CPU Intel® Celeron® N4100 Processor ទំហំ​ផ្ទុក​ក្នុង​ម៉ាស៊ីន ទំហំ 128 GB និងជម្រេីស 256 GB មានថាមពល​ថ្ម​ 5000mAH (Li-polymer battery) អាច​ប្រើ​បាន​ដល់ ៧ ទៅ ៨ ម៉ោង។

កុំ​ឲ្យ​ខាត​ពេល​យូរ មក​ទស្សនា​រូបរាង​ កុំព្យូទ័រ​គម្ពីរ​នៅ​ទីនេះ៖

មនុស្ស​កុះ​ករ​កំពុង​ចោម​រោម​តេស្ត​ Koompi

អ្នក​រាយការណ៍ព័ត៌មាន៖ អ៊ុំ សុភក្តិ និងម៉េងងី