អែមហួស! PUBG ចេញវីដេអូបង្ហាញឈុតសំលៀកបំពាក់ថ្មី ត្រៀមអបអរបុណ្យ Halloween

2018-10-22 11:35:53
ចំនួនមតិ 0 | ចំនួនចែករំលែក 0

ចន្លោះមិនឃើញ

ហ្គេម Playerunknown's Battlegrounds បានចេញផ្សាយនូវវីដេអូខ្លីជាងមួយនាទីជុំវិញការអបអរសម្រាប់បុណ្យ Halloween ដែលនឹងឈានចូលមកដល់នាថ្ងៃទី ៣១ តុលាខាងមុខនេះ។ ក្រុមហ៊ុនមានមូលដ្ឋាននៅប្រទេសកូរ៉េខាងត្បូងក៏ត្រូវបានជឿជាក់ថានឹងបង្ហាញនូវសំលៀកបំពាក់ថ្មីចំនួន ៦ ឈុត (ដូចបង្ហាញក្នុងវីដេអូ) ដែលមានភាពព្រឺព្រួចខ្លាំងបំផុត។

បន្ថែមពីនេះ PUBG ក៏នឹងរចនាបន្ថែមនូវការតុបតែងបរិយាកាសក្នុងផែនទីទាំង ៣ ឲ្យសក្ដិសមទៅនឹងពេលវេលានៃបុណ្យមានដើមកំណើតក្នុងតំបន់អឺរ៉ុបមួយនេះ។

រំឭកថាមុននេះបន្តិច PUBG ក៏ធ្លាប់ប្រកាសពីផែនការដាក់ដំណើរការវគ្គថ្មីឲ្យឈ្មោះថា Platoon ដែលជាប្រភេទវគ្គចាត់មនុស្សពី ៥ ទៅ ១០ នាក់ក្នុងថេរវេលាមានកំណត់ ប៉ុន្តែសោកស្តាយបែរជាត្រូវខកខាន Update ដោយសារមានកំហុសបច្ចេកទេសមួយចំនួន។ ជុំវិញរឿងរ៉ាវនេះគណនី PUBG Help លើ Twitter ក៏បង្ហោះសារសូមអភ័យទោស ដោយបញ្ជាក់ថាវគ្គ Platoon នឹងមិនអាច Update នាសប្តាហ៍នេះឡើយ ពោលគឺរង់ចាំក្នុងពេលវេលាបន្ទាប់ទៀត។

ប្រភព: https://www.futuregamereleases.com/2018/10/scary-skins-coming-to-pubg-to-celebrate-halloween/