Oppo R15x ម៉ូឌែលថ្មី ផ្តល់ជូនជម្រើសពណ៌ពិសេស តម្លៃក្រោម ៤០០ ដុល្លារ

2018-10-22 11:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

ទាំងដែល Oppo K1 ចេញលក់ទើបតែបានពីរសប្តាហ៍ ក្រុមហ៊ុនយក្សរបស់ប្រទេសចិនក៏បន្តចេញផ្សាយម៉ូឌែលថ្មីឲ្យឈ្មោះ R15x ពង្រឹងសមត្ថភាពអង្គផ្ទុកធំជាងមុន និងជម្រើសពណ៌ប្លែកភ្នែក។

Oppo R15x ជាស្មាតហ្វូនជំនាន់ក្រោយមានបំពាក់អេក្រង់ AMOLED ទំហំ ៦,៤ អ៊ីញ អមបច្ចេកវិទ្យាស្កេនខ្ចៅដៃបង្កប់ក្រោមអេក្រង់ ឆ្លងកាត់ Synaptics Optical Sensor។ មាត្រដ្ឋានអេក្រង់ពេញលាតដល់ទៅ ៩១ ភាគរយ បន្សល់ទុកស្នាមឆកសម្រាប់បំពាក់កាមេរ៉ាមុខ លាយឡំរន្ធបញ្ចេញសំឡេង Speaker នៅក្បែរទីតាំងនោះ។

ជាមួយបច្ចេកវិទ្យា AI ផ្តល់ឲ្យកាមេរ៉ាមុខអាចផ្តិតយករូបភាពនូវកម្រិត 25MP ខណៈខាងក្រោយភ្លោះពីរគ្រាប់ទំហំ 16MP មាន Aperture f/1.7 បន្ថែម Sensor ថតយករូបភាពព្រាលទំហំ 2MP។ ដំណើរការលើប្រព័ន្ធប្រតិបត្តិ Android Oreo បំពេញសម្រស់ដោយផ្ទៃកម្មវិធី Color OS 5.2 និងមានជម្រើសអង្គផ្ទុកធំ 128GB ជាមួយ RAM 6GB។

ចំពោះតម្លៃត្រៀមបើកឲ្យកុម្ម៉ង់ទិញនៃជម្រើសពណ៌ ២ រួមមាន Nebula និង Ice/Glacier ស្ថិតក្នុងតម្លៃ ២ ៤៩៩ យន់ឬ ៣៦០ ដុល្លារ មានលើទីផ្សារជាផ្លូវការក្នុងថ្ងៃទី ១ វិច្ឆិកាខាងមុខ។