តិចអត់ដឹងទៅ! រថយន្តក្រុងថ្មីរបស់ជប៉ុន រត់នៅភ្នំពេញ មានលក្ខណៈពិសេសៗ មិនធម្មតា (វីដេអូ)

2018-10-23 04:27:13
ចំនួនមតិ 0 | ចំនួនចែករំលែក 0

ចន្លោះមិនឃើញ

ឯកអគ្គរាជទូតជប៉ុនប្រចាំកម្ពុជាឯកឧត្ដម ហ៊ីដេហ៊ីសា ហូរីណូអុជិ បានចេញវីដេអូខ្លីមួយបញ្ជាក់ថា រថយន្តក្រុងថ្មីជាជំនួយឥតសំណងរបស់ជប៉ុនបានដំណើរការហើយ តាំងពីខែតុលាមក។ លោកបានបញ្ជាក់ថា រថយន្តក្រុងសាធារណៈកំពុងដឹកជញ្ជូនរាល់ថ្ងៃ មានចំនួនច្រើនជាងឆ្នាំមុន។ អ្វីដែលពិសេសនោះ ការរៀបចំដំណើរការរថយន្តក្រុងនៅភ្នំពេញ គឺផ្អែកតាមបទពិសោធន៍គ្រប់គ្រងដូចនៅប្រទេសជប៉ុនទាំងស្រុង។

ជាពិសេសការធ្វើដំណើរតាមរថយន្តក្រុង មានភាពងាយស្រួលខ្លាំង ដោយសារអ្នកដំណើរអាចបង់ប្រាក់តាម App ដែលមាននៅលើទូរសព្ទ។ ចំពោះរថយន្តក្រុងពណ៌ខៀវរបស់ជប៉ុន លោក ហ៊ីដេហ៊ីសា ហូរីណូអុជិ បញ្ជាក់ថាកំពុងរៀបចំប្រព័ន្ធ GPS ដើម្បីបង្ហាញចំណតចុះបន្ទាប់ ដោយស្វ័យប្រវត្តិ និងបញ្ជាក់ទីតាំងជាក់ស្ដែងតាម App។

ឯកអគ្គរាជទូតជប៉ុនប្រចាំកម្ពុជា បានស្នើសុំឲ្យប្រជាពលរដ្ឋខ្មែរ សាកល្បងជិះរថយន្តក្រុងថ្មី កុំបីខាន។

គួរឲ្យដឹងដែរថា រថយន្តក្រុងចំនួន ៤១គ្រឿង ដែលបានផ្តល់ជូនសាលារាជធានីភ្នំពេញក្រោមជំនួយឥតសំណងរបស់រដ្ឋាភិបាលជប៉ុន ត្រូវបានដាក់ឲ្យដំណើរការនាថ្ងៃទី០១ ខែតុលា ហើយចំនួនខ្សែរត់នៃសេវារថយន្តក្រុងបានកើនឡើងពី៩ ទៅ ១៣ ខ្សែរត់។

ត្រឹមដំណាច់ឆ្នាំនេះ រថយន្តក្រុងចំនួន ៣៩ គ្រឿង នឹងត្រូវផ្តល់ជូនបន្ថែមដល់សាលារាជធានីភ្នំពេញ ដូចនេះ រថយន្តក្រុងសរុបចំនួន ៨០ គ្រឿង នឹងដំណើរការនៅរាជធានីភ្នំពេញ ក្រោមជំនួយឥតសំណងរបស់រដ្ឋាភិបាលជប៉ុន។

តម្លៃសំបុត្ររថយន្តក្រុងគឺ ១,៥០០រៀល។ អ្នកអាចជិះរថយន្តក្រុង និងបង់ថ្លៃសំបុត្ររថយន្តក្រុងក្នុងប្រអប់តាមច្រកចូលទ្វារមុខនៃរថយន្តក្រុងស្ថិតនៅក្បែរអ្នកបើកបរ។ មនុស្សចាស់ ជនពិការ កម្មកររោងចក្រ ស្ដ្រីមានផ្ទៃពោះ ព្រះសង្ឃ សិស្ស និស្សិត គ្រូបង្រៀន អត្តពលិក ជិះរថយន្តក្រុងដោយមិនគិតថ្លៃ។៕

សូមទស្សនាវីដេអូខាងក្រោមនេះ៖

ចុចអានអត្ថបទពាក់ព័ន្ធ៖