Mi Mix 3 ចេញមុខមែនទែន មានអេក្រង់លាត កាមេរ៉ាអាចហូតចេញបាន

2018-10-25 08:28:17
ចំនួនមតិ 0 | ចំនួនចែករំលែក 0

ចន្លោះមិនឃើញ

Xiaomi បានប្រកាសចេញ Mi Mix 3 ជាផ្លូវការ ដោយមានប្រើប្រាស់រចនាបថហូត អាចឲ្យស្មាតហ្វូននេះមានអេក្រង់លាតពេញផ្ទៃ ដោយមិនមានក្បាលឆកនោះឡើយ។

Xiaomi បានអះអាងថាអេក្រង់មានគ្របដណ្ដប់លើផ្ទៃខាងមុខរបស់ Mi Mix 3 រហូតដល់ ៩៣,៤% ជាមួយទំហំ ៦,៣៩ អ៊ីញជាប្រភេទអេក្រង់ AMOLED ដែលអាចបង្ហាញរូបក្នុងកម្រិត 2340 x 1080 ភីកសែល។ ជាមួយរចនាបថហូតនេះ Xiaomi ផ្ដល់ជម្រើសឲ្យអ្នកប្រើប្រាស់រើសប្រភេទសំឡេងពេលហូតទូរសព្ទ ដូចជាសំឡេងកាប់កាំបិតជាដើម។

ពេលហូតចេញមក គេនឹងឃើញមានកាមេរ៉ា Selfie ដែលមានកម្រិត ២៤ MP + ២ MP ដោយមានសមត្ថភាពអាចផលិតរូបភាពបែប Portrait បាន។ កាមេរ៉ាខាងក្រោយមានកម្រិត ១២ MP + ១២ MP ដោយកាមេរ៉ាមេមាន Aperture f/1.8 និងមួយទៀតជាប្រភេទ Telephoto មាន Aperture f/2.4។ កាមេរ៉ាក្រោយនេះមានសមត្ថភាពអាចផលិតវីដេអូកំពូលយឺត ៩៦០ ប្លង់/វិនាទី។

Mi Mix 3 មានបំពាក់បន្ទះឈីប Snapdragon 845 អមនឹងជម្រើស RAM ទំហំ ៦ GB/អង្គផ្ទុក ១២៨ GB តម្លៃប្រមាណ ៤៧៥ ដុល្លារ, ប្រភេទ RAM ៨ GB/១២៨ GB តម្លៃប្រមាណ ៥១៨ ដុល្លារ និងប្រភេទ ៨ GB/២៥៦ GB តម្លៃប្រមាណ ៥៧៦ ដុល្លារ។ គ្រប់ប្រភេទទាំងអស់មានភ្ជាប់មកជាមួយឆ្នាំងសាកឥតខ្សែក្នុងប្រអប់ដែលអាចចម្លងចរន្តបាន ១០ វ៉ាត់។

Forbidden City Special Edition

ស្មាតហ្វូននេះក៏មានស៊េរីពិសេស Forbidden City Special Edition ដែលមាន RAM ទំហំដល់ ១០ GB និងអង្គផ្ទុកទំហំ ២៥៦ GB ជាមួយតម្លៃប្រមាណ ៧២០ ដុល្លារ។ កាលបរិច្ឆេទដាក់លក់ Mi Mix 3 នៅមិនទាន់ប្រកាសនៅឡើយទេ៕