ក្រោយតេស្តថតវីដេអូ 4K អ្នកជំនាញវែកឃើញចំណុចខ្លាំង និងខ្សោយលើ iPhone XS Max

2018-10-31 12:03:00
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកថតខ្សែភាពយន្តដ៏ជំនាញមួយរូបឲ្យឈ្មោះ Parker Walbeck បានសាកល្បងយក iPhone XS Max មកថតវីដេអូទេសភាពខ្នាតខ្លីលើកោះ Oahu រដ្ឋ Hawaii សហរដ្ឋអាមេរិក។ ជំនួយការថតដោយឧបករណ៍ Freefly Movi Smartphone Stabilizer ជាដងទប់លំនឹងមានតម្លៃ ២៩៩ ដុល្លារ។

បន្ទាប់ពីតេស្តចប់ ម្ចាស់ Channel មាន Subscriber ជិត ៤៥ មុឺននាក់ កត់សម្គាល់ឃើញនូវចំណុចខ្លាំង ៣ និងចំណុចខ្សោយ ៤ ប៉ុន្តែលោកនៅសង្កត់ធ្ងន់ថាមិនជាបញ្ហាចោទសម្រាប់អ្នកថតទេសភាពធម្មតាទុកជាអនុស្សាវរីយ៍នោះទេ លើកលែងតែយកទៅថតស្ពតផ្សព្វផ្សាយឬអាជីពណាមួយ នោះមិនអាចយកជាការបានឡើយ។

ចំណុចខ្លាំងបី មួយទាក់ទងនឹងការពង្រឹងកម្រិត Dynamic Range ពីរអាច ទប់លំនឹងរូបភាព បានប្រសើរជាងមុន ខុសពីជំនាន់ iPhone X ហើយកាន់តែសក្ដិសមសម្រាប់ការប្រើប្រាស់ជាមួយឧបករណ៍ Gimbal ខណៈទីបីទាក់ទងនឹង ការចល័ត បានរហ័សនិងមានទម្ងន់ស្រាល ពោលជាចំណុចល្អបើធៀបនឹងការដែលលោកត្រូវស្ពាយកាមេរ៉ាធំទៅតាមខ្លួន។

ទៅមើលចំណុចខ្សោយ មួយទាក់ទងនឹងថាមពលថ្មខ្សោយ ប្រសិនណាចង់ថតវីដេអូ 4K ក្នុងរយៈពេលយូរចាំបាច់អ្នកប្រើត្រូវស្ពាយថ្មជំនួយទៅតាមជានិច្ច ទីពីរគឺ កម្តៅឆាប់ឡើង រហ័សបំផុត អ្វីដែលជាគុណវិបត្តិក៏ធ្វើឲ្យអេក្រង់ងងឹតពិបាកមើលពេលស្ថិតក្រោមពន្លឺថ្ងៃ បីមិនអនុញ្ញាតឲ្យអ្នកធ្វើ ការផ្លាស់ប្ដូរ Aperture ជាកត្តាធ្វើឲ្យគុណភាពនៃវីដេអូក្នុងទីតាំងខ្លះមិនបានស្អាតដូចចិត្ត និងចុងក្រោយ ទំហំ Sensor តូច ធ្វើឲ្យសាច់រូបមិនអាចផ្តិតចេញមកច្បាស់ម៉ត់ល្អ។

ទស្សនាវីដេអូ: