រដ្ឋមន្ត្រីពាណិជ្ជកម្ម ស្នើក្រុមហ៊ុនសាំងលំដាប់ពិភពលោកធ្វើរឿង១ ជួយបញ្ហាចរាចរណ៍ខ្មែរ
- 2018-11-03 06:00:00
- ចំនួនមតិ 0 | ចំនួនចែករំលែក 0
រដ្ឋមន្ត្រីពាណិជ្ជកម្ម ស្នើក្រុមហ៊ុនសាំងលំដាប់ពិភពលោកធ្វើរឿង១ ជួយបញ្ហាចរាចរណ៍ខ្មែរ
ចន្លោះមិនឃើញ
រដ្ឋមន្ត្រីពាណិជ្ជកម្មស្នើតំណាងក្រុមហ៊ុនសាំងលំដាប់ពិភពលោកធ្វើរឿង១ ជួយដោះស្រាយបញ្ហាចរាចរណ៍។ រដ្ឋមន្ត្រីក្រសួងពាណិជ្ជកម្ម បានស្នើតំណាងក្រុមហ៊ុន Chevron Cambodia បិទផ្សាយសារអប់រំខ្លីៗ នៅតាមស្ថានីយចាក់ប្រេងឥន្ធនៈកាល់តិចទូទាំង ប្រទេសកម្ពុជា។
ការស្នើនេះ ដើម្បីលើកកម្ពស់សុវត្ថិភាពផ្លូវថ្នល់ និងកាត់បន្ថយគ្រោះថ្នាក់ចរាចរណ៍ ដែលកំពុងមានការកើនឡើង ឥតឈប់ឈររៀងរាល់ឆ្នាំ។
ឯកឧត្ដម ប៉ាន សូរស័ក្តិ បានលើកឡើងពីមូលហេតុ ដែលនាំឱ្យមានគ្រោះថ្នាក់ចរាចរណ៍ និងផលប៉ះពាល់ទៅ លើកំណើនសេដ្ឋកិច្ច និងបានស្នើសុំក្រុមហ៊ុន Chevron Cambodia ចូលរួមបិទផ្សាយសារអប់រំខ្លីៗ នៅតាមបណ្ដូលស្ថានីយចាក់ប្រេងកាល់តិច ដើម្បីបញ្ជ្រាបការយល់ដឹងរបស់ប្រជាពលរដ្ឋ ទាក់ទងបញ្ហាសុវត្ថិភាពផ្លូវថ្នល់ និងហានិភ័យចំពោះការអភិវឌ្ឍសង្គម។
ឯកឧត្ដមបានបន្ថែមថា«ក្រៅពីបង្កប់សារអប់រំនៅតាមស្ថានីយ បុគ្គលិកក្រុមហ៊ុនកាល់តិច អាចរម្លឹកអតិថិជនដែលចូលមកចាក់សាំងថែមទៀត ធ្វើដូចនេះបង្ហាញពីការទទួលខុសត្រូវ និងការគិតគូរយកចិត្តទុកដាក់របស់ក្រុមហ៊ុន ទៅលើសុវត្ថិភាពអតិថិជន និងសុវត្ថិភាពផ្លូវថ្នល់ ហើយកាល់តិចនឹងទទួលបានការគាំទ្រកាន់តែច្រើន»។
សូមបញ្ជាក់ថា ជាការឆ្លើយតប លោក ស្ហាហ៊ីដ អាមេត (Shahid Amed) បានឯកភាព និងថ្លែងអំណរគុណ លោករដ្ឋមន្ត្រី លោកនាយកក្រុមហ៊ុនរូបនេះ ក៏បានសន្យាដាក់បញ្ចូលគំនិត របស់ឯកឧត្ដមរដ្ឋមន្ត្រី ទៅក្នុងកម្មវិធីទទួលខុសត្រូវផ្នែកសង្គម និងយុទ្ធនាការផ្សព្វផ្សាយនានាដើម្បីចូលរួមកាត់បន្ថយគ្រោះថ្នាក់ចរាចរណ៍នៅកម្ពុជា។