ព័ត៌មានជុំវិញដំណឹងទាក់ទងគ្នារបស់ Songkarn និង Matt ព្រមទាំងសម្ដីចេញពីមាត់ Taew
- 2018-11-06 02:46:42
- ចំនួនមតិ 0 | ចំនួនចែករំលែក 0
ព័ត៌មានជុំវិញដំណឹងទាក់ទងគ្នារបស់ Songkarn និង Matt ព្រមទាំងសម្ដីចេញពីមាត់ Taew
ចន្លោះមិនឃើញ
ព័ត៌មានមួយទៀតហើយបានធ្វើឲ្យកក្រើកពិភពសិល្បៈថៃ ទាក់ទងដំណឹងទាក់ទងគ្នារបស់តារាសម្ដែងប្រុសស្រី ២នាក់ Songkran Taechanarong និង Matt Peranee បន្ទាប់ពីអ្នកទាំងសង្ខាងបានផ្ដាច់ចំណងស្នេហ៍ពីអតីតដៃគូរៀងៗខ្លួន។
ដំណឹងនេះបានផ្ទុះនៅថ្ងៃទី ០៥ ខែវិច្ឆិកា នៅពេល Songkran បានផ្ដល់បទសម្ភាសជាមួយនឹងវិបសាយដ៏ល្បីប្រចាំប្រទេសថៃ Thairath អំពីទំនាក់ទំនងជាមួយនឹង Matt Peranee។ អតីតស្វាមីតារាសម្ដែង Aff Taksaorn បានទម្លាយថា ខ្លួនពិតជាផ្ដោះផ្ដងលេបខាយស្នេហាដាក់ Matt មែន ប៉ុន្តែលោកមិនដែលដឹងពីប្រវត្តិផ្ទាល់ខ្លួនរបស់នាងពីមុនមកទេ។ ជារឿយៗ លោកតែងជួបនាងនៅក្នុងកម្មវិធីផ្សេងៗ ហើយក៏និយាយលេងពីនេះពីនោះ មិនត្រឹមតែប៉ុណ្ណោះពួកគេក៏ឧស្សាហ៍ជួបគ្នានៅក្លឹបហាតើប្រាណដែរ។
និយាយពីដំណើរកម្សាន្តទៅកាន់ប្រទេសណ័រវេសវិញ Songkran និយាយថា Matt ទៅទីនោះមុនលោក ដូច្នេះហើយពេលលោកទៅដល់ នាងក៏ធ្វើជាមគ្គុទេសក៍នាំផ្លូវលោកតែម្ដងទៅ។
បញ្ជាក់បន្ថែម Songkran ក៏បានបង្ហើបទៀតថា លោក និង Matt ពិតជាទាក់ទងគ្នាមែន ប៉ុន្តែពួកគេមិនទាន់ក្លាយជាគូស្នេហ៍ចេញមុខចេញមាត់នៅឡើយទេ។
ដោយឡែក ទាក់ទងនឹងព័ត៌មាននេះដដែល Taew ដែលជាមិត្តល្អរបស់ Matt ក៏បានផ្ដល់បទសម្ភាសខ្លះដែរ ស្របពេលនាងចូលរួមក្នុងកម្មវិធីនៅ Siam Paragon។ នាងនិយាយថា៖ "ខ្ញុំមិនបានដឹងថាពួកគេទាក់ទងគ្នាទេ ហើយការដែលដឹងនេះ ក៏ដឹងតាមរយៈសារព័ត៌មានដែរ។ Matt មិនដែលនិយាយអ្វីជាមួយខ្ញុំពីរឿងនេះទេ។ ទោះបីពូកយើងជាមិត្តនឹងគ្នា ប៉ុន្តែខ្ញុំក៏មិនអាចឆ្លើយនឹងសំណួរទាំងឡាយណាទាក់ទងនឹងរឿងនេះ ជំនួសគាត់ដែរ”។
ជាមួយគ្នានោះ តួឯកក្នុងរឿង "ណាគី” រូបនេះក៏បានបន្តថា៖ "ខ្ញុំ និងគ្រប់គ្នាដែល ស្គាល់ Matt មានតែជូនពរ និងលើកទឹកចិត្តនាងបន្ថែម។ ខ្ញុំកម្របានជួបនាងណាស់ តែយើងតែងនិយាយលេងជាមួយគ្នាក្នុងវីដេអូឆាតក្នុងក្រុម នៅពេលគាត់ទៅធ្វើការនៅប្រទេសជប៉ុន ហើយពេលដែលជួបគ្នា ក៏ពួកយើងមិនដែលនិយាយគ្នាពីរឿងនេះដែរ"៕