ប្រើអ៊ីនធឺណិតតាម Wi-Fi និងទិន្នន័យលើទូរសព្ទ មួយណាស៊ីថ្មជាង?

2018-11-07 03:10:09
ចំនួនមតិ 0 | ចំនួនចែករំលែក 0

ចន្លោះមិនឃើញ

បច្ចេកវិទ្យា Wi-Fi និង 3G ឬ 4G អនុញ្ញាតឲ្យស្មាតហ្វូន មានលទ្ធភាពភ្ជាប់ប្រើអ៊ីនធឺណិតបាន ខណៈក៏មានការជជែកច្រើនដែរ មួយណាមានតម្រូវការថាមពលថ្មច្រើនជាង។

ឧបករណ៍ភាគច្រើន នឹងបិទប្រើ 3G និង 4G ពេលបានភ្ជាប់ប្រើ Wi-Fi។ ពេលភ្ជាប់បណ្ដាញ Wi-Fi ឧបករណ៍នឹងប្រើថាមពលថ្មតិច ខណៈ 4G ជាបច្ចេកវិទ្យាមានតម្រូវការថាមពលថ្មច្រើនជាង។

ហេតុផល 4G ត្រូវការថាមពលថ្មច្រើន

ចម្លើយសាមញ្ញគឺ 4G ខ្លាំងបញ្ជូនទិន្នន័យបានលឿន ដូចនេះត្រូវការថាមពលថ្មច្រើន។
ក្រុមហ៊ុនបណ្ដាញទូរសព្ទ នាពេលបច្ចុប្បន្ន ដូចជា Verizon (បរទេស) បានកំណត់ Device ពេលបើក 4G/LTE ឲ្យភ្ជាប់ទាំងបណ្ដាញ 3G និង 4G ក្នុងពេលដំណាលគ្នា។ បែបនេះ ទូរសព្ទធ្វើការពីរដង ដើម្បីធានាស្ថិរភាពភ្ជាប់បណ្ដាញ តែត្រូវការថាមពលថ្មច្រើន។
រាល់ពេលហៅចេញ ឬបញ្ជូន និងទទួលសារ រលកវិទ្យុសកម្ម 3G ត្រូវផ្អាកដំណើរការ។ ការផ្លាស់ប្ដូរលក្ខណៈរលកវិទ្យុសកម្មបែបនេះក៏ចំណាយថាមពលថ្មច្រើនដែរ។

ដើម្បីធានាថាមពលថ្មប្រើប្រាស់មានប្រសិទ្ធភាពគួរ៖

ភ្ជាប់ត្រឹមបណ្ដាញ Wi-Fi បើអាច។
ពេលមិនប្រើ Wi-Fi គួរបិទ។
ពេលមិនអាចភ្ជាប់ទាំង Wi-Fi ឬគ្មានសេវាទូរសព្ទ គួរបើកប្រើ Airplane Mode ដើម្បីកុំឲ្យទូរសព្ទប្រឹងព្យាយាមស្វែងរករលកសញ្ញា ដែលមានតម្រូវការថាមពលថ្មច្រើន៕