កក្រើកសង្វៀនយប់មិញ Kevin ដណ្តើមខ្សែក្រវាត់ពិភពលោកបានពី Bibiano
- 2018-11-10 03:10:02
- ចំនួនមតិ 0 | ចំនួនចែករំលែក 0
កក្រើកសង្វៀនយប់មិញ Kevin ដណ្តើមខ្សែក្រវាត់ពិភពលោកបានពី Bibiano
ចន្លោះមិនឃើញ
ម្ចាស់ខ្សែក្រវាត់ពិភពលោករបស់ប្រេស៊ីលដែលការពារបានជាច្រើនលើក Bibiano Fernandes បានបាត់បង់ខ្សែក្រវាត់របស់ខ្លួនហើយ បន្ទាប់ពីចាញ់អ្នកឡើងដណ្តើមថ្មីរបស់ហ្វីលីពីន Kevin Belingon ក្នុងព្រឹត្តិការណ៍ ONE: HEART OF THE LION នៅប្រទេសសិង្ហបុរីយប់មិញដែលធ្វើឲ្យកក្រើកសង្វៀនតែម្តង។
ជើងខ្លាំងហ្វីលីពីន Kevin Belingon បានបង្ហាញភាពរស់រវើកក្នុងការប្រកួត៥ទឹកពេញដែលធ្វើឲ្យអ្នកគាំទ្រពេញចិត្តយ៉ាងខ្លាំងដើម្បីបញ្ចប់ម្ចាស់ខ្សែក្រវាត់ Bibiano Fernandes ដែលការពារខ្សែក្រវាត់ពិភពលោកនេះបានជោគជ័យជិត៥ឆ្នាំហើយ។ លក្ខណៈពិសេសរបស់ Belingon ត្រូវបានអ្នកគាំទ្រមើលឃើញថា ការទាត់បកក្រោយលើដងខ្លួនរបស់ដៃគូពិតជាមានប្រសិទ្ធភាព និងសន្សំពិន្ទុបានច្រើនគិតចាប់ពីទឹកទី១ដល់ទឹកទី៥។ ជាពិសេសនៅទឹកទី៤ កីឡាករហ្វីលីពីនរូបនេះបានវាយកណ្តាប់ដៃចំមុខពេញបណ្តាលឲ្យជើងខ្លាំងប្រេស៊ីលដួលស្ទើរបាត់បង់ស្មារតី។
អ្វីដែលគួរឲ្យចាប់អារម្មណ៍របស់ Bibiano គឺក្បាច់ឃ្លេផ្នែកក្រោមដែលបង្កព្យុះភ្លៀងដល់ Kevin ជារឿយៗនៅចុងទឹកនីមួយៗដែលនេះជាចំណុចសំខាន់របស់ខ្លួនសន្សំពិន្ទុបានច្រើន។ ទោះជាយ៉ាងណា Kavin មានបច្ចេកទេសដោះខ្លួន និងរើបម្រះបានយ៉ាងល្អដើម្បីរួចផុតពីការកៀបសង្កត់ផ្នែកក្រោមរបស់ដៃគូប្រកួត។
បន្ទាប់ពីការប្រកួត៥ទឹកពេញស្មើនឹង២៥នាទីនៅក្រោមក្រសែភ្នែកពេញកីឡដ្ឋាន Indoor Stadium របស់សិង្ហបុរី ចៅក្រម២នាក់បានឲ្យ Kavin ឈ្នះ ខណៈម្នាក់ទៀតឲ្យ Bibiano ឈ្នះ។ ដូច្នេះកីឡាករហ្វីលីពីនឈ្នះពិន្ទុមិនឯកច្ឆន្ទដើម្បីគ្រងខ្សែក្រវាត់ពិភពលោកថ្មីចាប់ពីពេលនេះ។ Kavin មានខ្សែក្រវាត់ពិភពលោក២គ្រឿងហើយគឺខ្សែក្រវាត់ទី១ឈ្នះកីឡាករអូស្ត្រាលី-វៀតណាម Martin និងទី២នេះឈ្នះ Babiano ដែលសុទ្ធតែជើងខ្លាំងម្ចាស់ខ្សែក្រវាត់ពិភពលោក ប៉ុន្តែត្រូវបរាជ័យក្រោមស្នាដៃរបស់គេ។
ចំណែកគូឯករងបានធ្វើឲ្យអ្នកគាំទ្រម្ចាស់ស្រុកស្រែកហោយ៉ាងខ្លាំងនៅពេលកីឡាករសិង្ហបុរីChristian Lee បានបញ្ឈប់ជើងខ្លាំងជប៉ុន Kazuki Tokudome ក្នុងទឹកទី១។
លទ្ធផលទាំងអស់