សុខ សាវិន៖ ទាល់តែត្រូវមុាំងភ្លឹងទើបឈប់វ៉ៃ បើនៅស៊ូបានគឺស៊ូប្រកួតទៀត

2018-11-15 03:31:47
ចំនួនមតិ 0 | ចំនួនចែករំលែក 0

ចន្លោះមិនឃើញ

អ្នកលេងគុនខ្មែរ សុខ សាវិន បើគេវ៉ៃត្រូវសន្លប់បាត់ស្មារតីតែម្ដង ទើបមិនអាចបន្តការប្រកួតបាន ប៉ុន្តែបើនៅអាចតស៊ូ ឬនៅឈរបានតិចៗយ៉ាងក៏ដោយ ដាច់ខាតត្រូវខំប្រឹងបន្តការប្រកួតតទៅមុខទៀត។

សុខ សាវិន(ក្រហម)

សុខ សាវិន បានឲ្យដឹងដែរថា ខ្លួនមិនទម្លាប់ស៊ីឡាក ឬប្រកួតមានពុតត្បុតនោះទេ បើដៃគូវ៉ៃសឺយ៉ាងណាក៏ដោយ ដាច់ខាតត្រូវតែខំប្រឹងឡើងវិញ បន្តការប្រកួត មិនចង់ទម្លាប់អាក្រក់ល្មមៗធ្វើសន្លប់នោះឡើយ។ កាលណាខ្លួនខំប្រឹងបែបនេះ នៅពេលដែលដៃគូវ៉ៃមិនសន្លប់អស់វិញ ជាឱកាសអាចយកឈ្នះវិញម្ដង។

សុខ សាវិន(ក្រហម)

អ្នកប្រដាល់វ័យក្មេងខាងលើនេះបន្ថែមថា មួយរយៈចុងក្រោយនេះខ្លួនធ្វើបានល្អ មានសមត្ថភាពរីកចម្រើន គឺដោយសារបានដូរក្លឹបថ្មី មានទឹកចិត្តឡើងវិញ។ គ្រូថ្មីតែងតែប្រាប់ឲ្យខំប្រឹងប្រែង ទាំងការហ្វឹកហាត់ និងប្រកួត ដូច្នេះហើយខ្លួនក៏ធ្វើតាមរហូតមានលទ្ធផលបែបនេះ។

សុខ សាវិន ពេលឈ្នះថៃ

សុខ សាវិន ជាអ្នកប្រដាល់វ័យក្មេងទើបមករួមរស់ជាមួយលោកគ្រូ សន អេលីត ក្នុងក្លឹបឆ្មារសសែនសុខ។ ប្រកួតចុងក្រោយរបស់គេផ្ដួលកីឡាករថៃឲ្យសន្លប់ក្នុងទឹកទី៣ នៃកម្មវិធីប្រដាល់សង្វៀន CNC កាលពីថ្ងៃអាទិត្យសប្ដាហ៍មុននេះ៕

វីដេអូ៖