Kante ព្រមបន្តកុងត្រានៅ Chelsea ជាមួយនឹងប្រាក់ឈ្នួលច្រើនកប់ពពក

2018-11-23 12:12:14
ចំនួនមតិ 0 | ចំនួនចែករំលែក 0

ចន្លោះមិនឃើញ

ខ្សែបម្រើបារាំង N'Golo Kante បានយល់ព្រមបន្តកុងត្រាជាមួយក្លឹបតោខៀវ Chelsea រហូតដល់ឆ្នាំ ២០២៣ ពោលគឺរយៈពេល ៥ឆ្នាំ។

បើតាមសារព័ត៌មាន Goal កីឡាកររូបនេះ នឹងទទួលបានថ្លៃនឿយហត់ចំនួន ២៩ម៉ឺនផោន (ត្រូវនឹងជាង ៣៧ម៉ឺនដុល្លារ) ក្នុងមួយសប្ដាហ៍ ខណៈរូបគេទទួលបានត្រឹម ១៥ម៉ឺនផោន (ត្រូវនឹងជាង ១៩ម៉ឺនដុល្លារ) ក្នុងកុងត្រាចាស់។

កីឡាករបារាំងរូបនេះ បានផ្ទេរចេញពីក្លឹប Leicester មកកាន់ក្លឹប Chelsea នៅរដូវក្ដៅឆ្នាំ ២០១៦ ក្នុងតម្លៃ ៣២លានផោន (ត្រូវនឹងជាង ៤១លានដុល្លារ) បន្ទាប់ពី រូបគេបានជួយក្លឹប Leicester ឲ្យឈ្នះពាន Premier League ជាលើកដំបូងក្នុងប្រវត្តិសាស្ត្ររបស់ក្លឹប។

ក្នុងរដូវកាល ២០១៦/១៧ ខ្សែបម្រើរូបនេះ ក៏បានឈ្នះពានលីគកំពូលអង់គ្លេស និងពាន FA Cup នៅរដូវកាលដំបូងក្នុងក្លឹប Chelsea។ ក្នុងរដូវកាលនោះដែរ រូបគេក៏បានឈ្នះពានផ្ទាល់ខ្លួន ២ គឺពាន PFA និង FWA Player Of The Year។

ចំណែកក្នុងឆ្នាំ ២០១៨នេះវិញ Kante ក៏បានជួយក្រុមជម្រើសជាតិបារាំងដណ្ដើមយកពាន World Cup ក្នុងប្រទេសរុស្ស៊ី៕

ប្រភព៖ Goal ប្រែសម្រួល៖ ហ៊ីម រស្មី