ធ្លាយរូបរាង Vivo NEX 2 ប្រើអេក្រង់ភ្លោះ ងំកាមេរ៉ាមុខក្រោយតម្រៀបលើជួរតែមួយ

2018-11-27 11:53:12
ចំនួនមតិ 0 | ចំនួនចែករំលែក 0

ចន្លោះមិនឃើញ

NEX ជាត្រកូលស្មាតហ្វូន Vivo ដំបូងមានបំពាក់កាមេរ៉ា Selfie ដែលអាចហូតបាន មុនរំលងមួយសប្ដាហ៍នៃការប្រកាស Oppo Find X។ ការវិវត្តរបស់ក្រុមហ៊ុន Vivo នឹងនៅតែបន្តធ្វើឡើង ជាមួយស្មាតហ្វូនម៉ូឌែល NEX 2 ក្រោយទើបលេចធ្លាយរូបភាពប៉ុន្មានសន្លឹកលើបណ្តាញសង្គម Weibo កាលពីពេលថ្មីៗនេះ។

ចំណុចពិសេសត្រង់មានបំពាក់នូវអេក្រង់ភ្លោះសងខាង ដោយខាងមុខលាតពេញ និងខាងក្រោយបន្សល់ទុកផ្នែកដាក់កាមេរ៉ានិងស្លាកសញ្ញា Vivo។ អ្វីដែលប្លែកភ្នែកត្រង់កាមេរ៉ាមុខក្រោយចំនួន ៣ គ្រាប់រចនាដាក់បញ្ឈរអមគ្នា ពោលគឺបើអ្នកចង់ថត Selfie ឬនិយាយ Video Call ត្រូវប្រើប្រាស់អេក្រង់តួក្រោយ ខណៈខាងមុខអាចប្រើកម្សាន្តការលេងហ្គេមឬទស្សនាវីដេអូ។

បន្ថែមពីនេះ NEX 2 រំពឹងប្រើប្រាស់បន្ទះឈីប Snapdragon 845 មាន RAM ទំហំ 8GB ដោយអេក្រង់ AMOLED ទំហំ ៦,៥៩ អ៊ីញប្រហែល NEX S និងតួក្រោយអេក្រង់មានមាត្រដ្ឋាន ១៦:៩ ដើម្បីបន្សល់គែមទុកដាក់កាមេរ៉ានិង Logo។