ដេញបុរសម្នាក់ចុះពីយន្ដហោះភ្លាមៗ ដោយសាររូប១សន្លឹក តែចុងក្រោយហួសចិត្តគ្រប់គ្នា
- 2018-11-28 03:08:51
- ចំនួនមតិ 0 | ចំនួនចែករំលែក 0
ដេញបុរសម្នាក់ចុះពីយន្ដហោះភ្លាមៗ ដោយសាររូប១សន្លឹក តែចុងក្រោយហួសចិត្តគ្រប់គ្នា
ចន្លោះមិនឃើញ
អ្នកដំណើរម្នាក់ ត្រូវបានបណ្ដេញចេញពីយន្ដហោះឥណ្ឌាមួយគ្រឿងក្រោយថតរូប Selfie របស់ខ្លួនដោយមានភ្ជាប់ជាមួយពាក្យ "ភេរវករ”។
នៅក្នុងជើងហោះហើរមួយពីទីក្រុង Kolkata ទៅ Mumbai កាលពីថ្ងៃចន្ទ អ្នកដំណើរឈ្មោះ Yogvedant Poddar អាយុ ២១ឆ្នាំ ត្រូវបានបណ្ដេញចេញពីយន្ដហោះក្រោយអ្នកដំណើរម្នាក់ទៀតបានឃើញរូបគេសរសេរ "ភេរវករនៅលើយន្ដហោះ, ខ្ញុំបំផ្លាញបេះដូងនារីម្នាក់" ទៅក្នុងទូរស័ព្ទរបស់ខ្លួន។ សំណេរនេះ ត្រូវបានភ្ជាប់ជាមួយរូប Selfie របស់លោកដែលពាក់ម៉ាសពាក់កណ្ដាលមុខ ដែលធ្វើឲ្យគ្រប់គ្នាមានការសង្ស័យ និងភ័យខ្លាចយ៉ាងខ្លាំង។ ភ្លាមនោះ អ្នកដំណើរក៏បានផ្ដល់ដំណឹងដល់អ្នកបម្រើលើយន្ដហោះ រួចបណ្ដេញលោក Poddar ចុះតែម្ដង។
លើសពីនេះទៀត លោក Poddar ត្រូវបានឃុំអស់រយៈពេលជាង ១០ម៉ោងសម្រាប់ការសាកសួរ និងស៊ើបអង្កេតជុំវិញករណីនេះ។ នៅទីបំផុត ប៉ូលិសឲ្យដឹងថា "យើងបានធ្វើការសាកសួរជនសង្ស័យយ៉ាងលម្អិតបំផុត ប៉ុន្តែមិនបានរកឃើញថាមានជាប់ពាក់ព័ន្ធនឹងអំពើភេរវកម្មនោះទេ។ វាគ្រាន់តែជាសារដែលគេសរសេរលេងទៅកាន់មិត្តភក្ដិប៉ុណ្ណោះ ហើយមិនមានបំណងវាយប្រហារនរណាម្នាក់នោះទេ។”
ក្រោយកើតហេតុ លោក Poddar ត្រូវបានដោះលែងនិងអនុញ្ញាតឲ្យបន្ដដំណើរទៅកាន់ទីក្រុង Mumbai ដោយជើងហោះហើររបស់ត្រូវបានផ្លាស់ប្ដូរម៉ោងទៀតផង៕