ធ្ងន់ករម្ដងនេះ! ១០០ លានគណនីលើគេហទំព័រ Quora ត្រូវបាន Hacker ធ្វើស៊ីខ្ទេច

2018-12-04 11:38:26
ចំនួនមតិ 0 | ចំនួនចែករំលែក 0

ចន្លោះមិនឃើញ

Quora ទម្លាយជាសាធារណៈថាខ្លួនបានរកឃើញថាមានប្រមាណ ១០០ លានគណនីលើគេហទំព័រខ្លួនត្រូវបាន Hacker លួចវាយប្រហារដោយសម្ងាត់ ដែលរួមបញ្ចូលទាំងព័ត៌មានទាក់ទងអាសយដ្ឋាន Email និងកូដសម្ងាត់ Password។ ជាងនេះទៅទៀតប្រសិនអ្នកប្រើប្រាស់បានចម្លងចេញនូវទិន្នន័យមួយចំនួនចេញពីបណ្តាញសង្គមរបស់ពួកគេ នោះក៏ប្រឈមនឹងការបែកធ្លាយដូចគ្នា។

រូបតំណាងលោក Adam D'Angelo

ជុំវិញបញ្ហានេះនាយកប្រតិបត្តិ Quora លោក **Adam D'Angelo** បានបង្ហោះសារកាលពីល្ងាចម្សិលមិញយ៉ាងតក់ក្រហល់ថា៖ "មានការបែកធ្លាយគណនីនិងទិន្នន័យឯកជនជាច្រើនកំពុងប្រឈមបញ្ហាយ៉ាងធ្ងន់ធ្ងរ ដោយបច្ចុប្បន្នយើងកំពុងដុតដៃដុតជើងបើកការស៊ើបអង្កេតនិងចាត់វិធានការសមស្របណាមួយដើម្បីបញ្ចៀសមិនឲ្យមានបញ្ហាកើតឡើងនាថ្ងៃខាងមុខតទៅទៀត"។

រំឭកថា Quora ជាប្រភេទគេហទំព័រ Q&A ដែលប្រមូលផ្តុំដោយការឆ្លើយឆ្លងនិងបញ្ចេញមតិនូវប្រធានបទជាច្រើនផ្សេងពីគ្នាទាក់ទងនឹងជីវិតរបស់នៅប្រចាំថ្ងៃ បង្កើតឡើងកាលពីខែមិថុនា ឆ្នាំ ២០០៩ នៅទឹកដីសហរដ្ឋអាមេរិក។ តាមរបាយការណ៍នាឆ្នាំ ២០១៥ នាយកប្រតិបត្តិខាងលើធ្លាប់បង្ហើបថាគេហទំព័រខ្លួនទទួលបានអ្នកចូលប្រើប្រាស់ជាង ២០០ លាននាក់ក្នុងមួយខែៗ។