ពេញចិត្តស្ដូក បើដឹងសមត្ថភាពរថយន្តពាសដែក LEXUS LX 570 ការពារគ្រាប់កម្រិត BR6
- 2018-12-05 02:57:00
- ចំនួនមតិ 0 | ចំនួនចែករំលែក 0
ពេញចិត្តស្ដូក បើដឹងសមត្ថភាពរថយន្តពាសដែក LEXUS LX 570 ការពារគ្រាប់កម្រិត BR6
ចន្លោះមិនឃើញ
LEXUS LX 570 ជារថយន្តស៊េរីប្រណីតរបស់ជប៉ុន ប៉ុន្តែដើម្បីឱ្យយានមួយនេះកាន់តែទំនើប ក្រុមហ៊ុនជំនាញផលិតរថយន្តពាសដែក INKAS របស់កាណាដា បានប្រែក្លាយវាទៅជាគ្រឿងដឹកជញ្ជូនថ្មីមួយទៀត មានសមត្ថភាពការពារគ្រាប់កម្រិត BR6។
រថយន្តនេះមានលក្ខណៈពិសេសត្រង់ថា តួគ្រោងរបស់វាពាសដោយដែករឹងមាំ ស្ទើរគ្រប់កន្លែងមិនថា កាប៊ីនអ្នកបើកបរ កន្លែងអ្នកដំណើរមុខក្រោយនោះទេ សូម្បីបរិវេណអាគុយ និងគ្រឿងអេឡិចត្រូនិកផ្សេងទៀតក៏មានដូចគ្នា។
ចំណែកកញ្ចក់វិញ ត្រូវបាន INKAS បំពាក់ច្រើនស្រទាប់មានគុណភាពខ្ពស់ អាចការពារគ្រាប់កាំភ្លើងកម្រិត AMMO ទំហំ 7.62 mm និងគ្រាប់បែកដៃ DM51 ដល់ទៅ ២ គ្រាប់។ រីឯកង់របស់វាមានបំពាក់ប្រព័ន្ធ Run Flat Tire ពោលគឺអាចបើកបរបាន បើទោះជាបែកធ្លាយក៏ដោយ រួមទាំងមានចំណុចពិសេសៗជាច្រើនទៀត។
មិនមានការកែប្រែពីក្រុមហ៊ុនដើម LEXUS LX 570 ស៊េរីឆ្នាំ ២០១៨ នេះ ភ្ជាប់មកជាមួយនូវចង្កឹះលេខអូតូ ៨វគ្គ ម៉ាស៊ីនសាំងទំហំ ៥៧០០សេសេ ផ្ដល់កម្លាំង ៣៨៣សេស ដំណើរការដោយកាឡេកង់៤ ឬ AWD អាចផ្ទុកមនុស្សបាន ៨នាក់ និងមានធុងប្រេងទំហំ ៩៣ លីត្រ។ រថយន្តនេះមានលក់នៅក្រុមហ៊ុន INKAS ប្រទេសកាណាដា៕
ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......
© រក្សាសិទ្ធិគ្រប់យ៉ាងដោយ Sabay ឆ្នាំ២០២៤
គោលការណ៍ភាពឯកជន | Privacy Policy
អាសយដ្ឋាន
អគារលេខ ៣០៨ មហាវិថីព្រះមុន្នីវង្ស
សង្កាត់បឹងរាំង ខណ្ឌដូនពេញ
Sabay Digital Corporation ជាក្រុមហ៊ុនព័ត៌មានឌីជីថល និងកម្សាន្តឈានមុខគេនៅកម្ពុជា។ ព័ត៌មានបន្ថែម
ផលិតផល និង សេវាកម្ម របស់ Sabay
