ហេតុផលសំខាន់ Leonardo សម្រេចយកកីឡាករប្រេស៊ីលមកជួយក្រោន

2018-12-05 08:59:08
ចំនួនមតិ 0 | ចំនួនចែករំលែក 0

ចន្លោះមិនឃើញ

ក្លឹបបាល់ទាត់ភ្នំពេញក្រោន បានចុះកុងត្រាយកកីឡាករបរទេសសញ្ជាតិប្រេស៊ីល ២រូប មករួមក្រុមនារដូវកាលនេះ ដើម្បីប្រជែងពានរង្វាន់លីគកំពូលកម្ពុជារដូវកាលថ្មីខាងមុខ។

Paulo ស្ដាំ និង Leonardo ឆ្វេង

កីឡាករទាំងពីររូបនេះគឺ Paulo Victor Soares ខ្សែប្រយុទ្ធសញ្ជាតិប្រេស៊ីលនិងម្នាក់ទៀតឈ្មោះ Leonardo Oliveira Tavares ជាអ្នកចាំទី។ ពួកគេជាកីឡាករវ័យក្មេង ដែលលោក Leo រំពឹងថានឹងជួយក្រុមបានច្រើននារដូវកាលខាងមុខនេះ អមជាមួយកុងត្រាត្រឹមរយៈពេល១ឆ្នាំ។

មូលហេតុដែលធ្វើឱ្យអតីតគ្រូបង្វឹកក្រុមជម្រើសជាតិកម្ពុជាសម្រេចយកប្រេស៊ីលទាំងពីរនេះ គឺដោយសារតែលោកយល់ឃើញថាប្រេស៊ីលជាប្រទេសបង្កើតកីឡាករបាល់ទាត់ល្អបំផុត ជាប្រទេសមានកំណត់ត្រាឈ្នះ World Cup ច្រើនដល់ទៅ៥ដង។ មួយវិញទៀត អាចនិយាយបានថាប្រេស៊ីលជាប្រទេសខ្លាំងជាងគេបំផុតមួយក្នុងវិស័យបាល់ទាត់។ ហេតុដូច្នេះហើយ ការដើរតាមគន្លងរបស់ប្រទេសនេះ គឺជារឿងល្អមួយ។

បន្ថែមពីលើកីឡាករបរទេស២នាក់នេះហើយ លោក Leonardo ក៏បង្ហើបទៀតថាក្លឹបនឹងបន្ដកុងត្រាកីឡាករថ្មីបន្ថែមទៀត ដោយអាចជាកីឡាករមកពីជប៉ុន នៅពេលខាងមុខនេះ។ ស្របពេលដែលក្រោនផ្ទាល់ នឹងត្រូវទៅប្រកួតកម្ដៅសាច់ដុំនៅប្រទេសថៃ ក្នុងពានរង្វាន់ Leo Cup pre-Season នាខែមករាឆ្នាំ២០១៩ខាងមុខ៕

អត្ថបទ៖ មុន្នីរម្យ