កម្រមានអ្នកដឹងណាស់! សួនសត្វមួយនៅមណ្ឌលគីរី មានក្ដាន់ទាំងហ្វូង Cute Cute
- 2018-12-06 04:07:56
- ចំនួនមតិ 0 | ចំនួនចែករំលែក 0
កម្រមានអ្នកដឹងណាស់! សួនសត្វមួយនៅមណ្ឌលគីរី មានក្ដាន់ទាំងហ្វូង Cute Cute
ចន្លោះមិនឃើញ
«មូលនិធិមយូរ៉ា ការពារសត្វសត្វព្រៃ» គឺជាសួនសត្វដ៏ធំមួយ នៅក្នុងខេត្តមណ្ឌលគីរីបានបង្កើតជាង២ឆ្នាំហើយ ដើម្បីការពារសត្វព្រៃនានាកុំឲ្យបាត់បង់ ពិសេសនោះ អាចក្លាយជាកន្លែងទាក់ទាញភ្ញៀវទេសចរឲ្យទៅទស្សនាកម្សាន្ត បានស្គាល់ពីសត្វកម្រនៅកម្ពុជា។
យ៉ាងណាក្ដី មានមនុស្សមិនច្រើនឡើយ បានស្គាល់សួនសត្វដ៏ធំនេះ។ សួនសត្វមួយកន្លែងនេះ មានទំហំផ្ទៃដីប្រមាណ១០ហិកតា បានបង្កើតឡើងរយៈពេលពីរឆ្នាំហើយ និងបាន ចិញ្ចឹមសត្វព្រៃប្រមាណ៥ប្រភេទ ចំនួនរាប់រយក្បាលក្រោម ការជួយឧបត្ថម្ភគាំពារពីមូល «និធិ មយូរ៉ា ការពារសត្វព្រៃ» ដើម្បីចូលរួមអភិរក្ស និងការពារពូជ សត្វព្រៃក្នុងខេត្តមណ្ឌលគិរី ស្ថិតនៅឃុំពូជ្រៃ ស្រុកពេជ្រាដា ខេត្តមណ្ឌលគិរី។
គោលបំណងបង្កើតសួនសត្វនេះឡើង ដើម្បីការពារការគំរាមកំហែងរាល់ថ្ងៃ ពីការ បាញ់សម្លាប់ ឬកត្តានានា បណ្តាលឲ្យសត្វទាំងនេះឈាន ទៅរកភាពវិនាសផុតពូជ។ ទន្ទឹមនេះ ការចិញ្ចឹម នេះក៏សម្រាប់ទុកឲ្យប្រជាពលរដ្ឋ ជាពិសេស គឺក្មេងៗជំនាន់ក្រោយបានស្គាល់សត្វព្រៃដែលមានវត្តមាន នៅប្រទេសកម្ពុជា។ ជាមួយគ្នានេះ សួនសត្វព្រៃខាងលើមានការចិញ្ចឹមប្រភេទសត្វខុសៗគ្នាដូចជាប្រើសមាន ចំនួន៥ក្បាល ប្រើសផ្កាយចំនួន៣០ក្បាល ក្តាន់ចំនួន៨ក្បាល ឈ្លូលចំនួន៣ក្បាល ជ្រូក ព្រៃចំនួន ១០០ក្បាល។
ដោយឡែកថ្មីៗនេះ តាមហ្វេសប៊ុករបស់ពនេចរ ដែលបានទៅដល់ទីនោះ ប្រាប់ថា ពេលទៅដល់ខេត្តមណ្ឌលគិរី ទៅរង្វង់មូលគោព្រៃ បត់ស្ដាំ ហើយឆ្ពោះទៅផ្លូវ ខេត្តរតនគីរី ជិះ៣០គីឡូម៉ែត្រ មើលលេខបង្គោលគីឡូ ១៤៨ ហើយមើលទៅខាងស្ដាំ ឃើញស្លាកដាក់ថា មូលនិធិ មយូរ៉ា ជិះទៅដល់សួនសត្វប្រវែងប្រមាណ៥គីឡូម៉ែត្រទៀត ។ ចំពោះផ្លូវវិញជិះបានតែម៉ូតូ និងរថយន្តខ្នាតតូច ពេលទៅដល់សួនសត្វ ខឹងបានជួបអ្នកមើលថែសត្វ ដូច្នេះប្រិយមិត្តអាចសុំគាត់ចូល និងជូនលុយកាក់ខ្លះទៅជាការស្រេច៕