Google នឹងបិទកម្មវិធីអត់សូវល្បីមួយ ឲ្យចូលនិវត្តន៍នៅដើមឆ្នាំ ២០១៩

2018-12-08 01:59:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កម្មវិធីសម្រាប់ផ្ញើសារ-ឆ្លងឆ្លើយមួយរបស់ Google គឺ Allo Chat app បានជាប់ឈ្មោះក្នុងបញ្ជីខ្មៅដែលនឹងត្រូវបិទលែងដំណើរការនៅឆ្នាំ ២០១៩ ខាងមុខនេះ។

Allo Chat app

Allo ជាកម្មវិធីដែលបង្កើតឡើងនៅឆ្នាំ ២០១៦។ វាក៏ជាកម្មវិធីឆាតទី ៦ ដែល Google បានបង្កើតឡើង ជាគូប្រជែងនឹងកម្មវិធីឆាតផ្សេងៗជាពិសេស iMessge របស់ Apple ប៉ុន្តែសំណាងមិនល្អ Allo នៅតែមិនទៅមុខ។

iMessge របស់ Apple

តាមប្រភពព័ត៌មានបានឲ្យដឹងថា Google បានចំណាយលើការអភិវឌ្ឍ Android Message app ដែលមានមកស្រាប់ជាមួយទូរសព្ទតាំងពីបើកម៉ាស៊ីនដំបូងជំនួសវិញ។

ការធ្វើកំណែប្រែរបស់ Google ជាសញ្ញាណល្អដែលអ្នកនឹងទទួលបានសារលឿនទាន់ចិត្ត ហើយក៏អាចនឹងមានមុខងារផ្ញើរសារជាវីដេអូ និងរូបភាពក្នុងកម្រិតច្បាស់ ក៏ដូចជាដើម្បីចូលតុប្រជែងជាមួយកម្មវិធីផ្សេង ដែលកំពុងល្បីដូចជា iMessege ជាដើម។

ចំពោះមូលហេតុនៃការបិទ ត្រូវបានគេបញ្ចេញឲ្យដឹងថា មកពីមុខងារលើកម្មវិធីមិនទាក់ទាញ មិនសូវមានអ្នកចូលចិត្ត ឯចំនួនដោនឡូតក៏មិនច្រើន។

ដំណឹងក្រៀមក្រំមួយទៀត គឺកម្មវិធីវីដេអូខលឆ្លង-ឆ្លើយគ្នា Google Hangout ក៏មានវាសនាដូច Allo Chat app ដែរ។ Google បានបង្ហើបថា នៅឆ្នាំ ២០២០ កម្មវិធី Hangout នឹងត្រូវបិទលែងដំណើរការ៕