ហ្គេម CS:GO ពី​មុន​ដាក់​លក់ ១៥ ដុល្លារ ឥឡូវ​លេង​បាន Free ថែម​ឲ្យ​វគ្គ​ថ្មី​ដូច PUBG ទៀត

  • 2018-12-07 13:24:28
  • ចំនួនមតិ 0 | ចំនួនចែករំលែក 300

ចន្លោះមិនឃើញ

ហ្គេម Counter-Strike: Global Offensive បាន​សម្រេច​ដាក់​ឲ្យ​ទាញ​យក​ឥត​គិត​ថ្លៃ (Free-to-play) ចាប់​ពី​ពេល​នេះ​ត​ទៅ ជាមួយ​នឹង​ការ​បន្ថែម​វគ្គ​ថ្មី​ប្រភេទ Battle Royale ឲ្យ​ឈ្មោះ​ថា Danger Zone

ពី​មុន​ធ្លាប់​តែ​ដាក់​លក់​ក្នុង​តម្លៃ ១៥ ដុល្លារ ឥឡូវ​នេះ​អ្នក​លេង​នៅ​លើ Steam អាច​ទាញ​យក​បាន​ឥត​គិត​ថ្លៃ ប៉ុន្តែ​ក៏​មាន​ការ​លើក​ទឹក​ចិត្ត​ដល់​អ្នក​លេង​ចាស់​ដែល​ធ្លាប់​បាន​ចំណាយ​លុយ​ទិញ ជាមួយ​ការ​ថែម​ជូន​នូវ​កញ្ចប់ Prime Status ដែល​មាន​តម្លៃ​ ១៥ ដុល្លារ។

សម្រាប់ Danger Zone ជា​វគ្គ​ថ្មី​យក​គំរូ​តាម​ហ្គេម Fortnite និង PUBG ដោយ​មាន​មនុស្ស ១៨ នាក់​ត្រូវ​ចូលរួម​លេង ក្នុង​គោលដៅ​រក​អ្នក​ឈ្នះ​ចុង​ក្រោយ​តែ​ម្នាក់។ ដំបូង​នៅ​ពេល​ដែល​អ្នក​ធ្លាក់​ចូល​ទៅ​ក្នុង​ផែនទី Blacksite ចាំ​បាច់​អ្នក​លេង​ត្រូវ​ព្យាយាម​ស្វែងរក​អាវុធ​ និង​សម្ភារៈ​ឲ្យ​បាន​រហ័ស​បំផុត ហើយ​ក៏​មាន​ការ​ទម្លាក់​នូវ​កញ្ចប់ item ណា​មួយ​ចេញ​ពី Drone ដូច​ទៅ​នឹង Supply Drop ក្នុង​ហ្គេម​ដទៃ។ វគ្គ​នេះ​កំណត់​ពេល​លេង​ត្រឹម​រយៈ​ពេល ១០ នាទី ដោយ​អាច​ចូលរួម​លេង​បែប Solo តែ​ម្នាក់​ឯង​ផ្ទាល់ ឬ​ចាប់​ដៃ​គូ​ជា​ក្រុម ២ ទៅ ៣ នាក់៕

ចុច Like និង See First ដើម្បីទទួលព័ត៌មានបច្ចេកវិទ្យាមុនគេ......

អានអត្ថបទ:


ប្រភព៖ theverge   ប្រែ​សម្រួល៖ កៅ រក្សា