ហួសចិត្ត! ស្ត្រីម្នាក់ខូចខួរក្បាលធ្ងន់ធ្ងរ ក្រោយផឹកទឹកស៊ីអ៊ីវ ១លីត្រដើម្បីលាងពោះវៀន

2018-12-12 02:29:56
ចំនួនមតិ 0 | ចំនួនចែករំលែក 0

ចន្លោះមិនឃើញ

ស្ត្រីជនជាតិអាមេរិកម្នាក់ បានរងការខូចខួរក្បាលធ្ងន់ធ្ងរក្រោយផឹកទឹកស៊ីអ៊ីវអស់មួយលីត្រដោយជឿជាក់ថាវានឹងអាចជួយលាងសម្អាតពោះវៀន។

ស្ត្រីវ័យ ៣៩ឆ្នាំដែលសុំលាក់អត្តសញ្ញាណ បានសន្លប់ភ្លាមៗ និងខូចខាតប្រព័ន្ធប្រសាទក្រោយផឹកទឹកស៊ីអ៊ីវអស់មួយលីត្រដោយសារជឿតាមការបំផុសបំផុលក្នុងអ៊ីនធឺណិត។ ក្រោយមក គ្រូពេទ្យបានរកឃើញថាអ្នកស្រី មានផ្ទុកសារជាតិអំបិលរហូតដល់ ២០០ក្រាមក្នុងឈាមដែលលើសកម្រិតកំណត់ ៥ដង។ ក្រុមគ្រូពេទ្យ បានព្យាយាមបញ្ចូលជាតិទឹកលាយជាមួយគ្លុយកូសចូលទៅក្នុងខ្លួនរបស់អ្នកស្រីដើម្បីទប់ទល់នឹងអំបិលដ៏ច្រើនលើសលប់នៅក្នុងឈាម។ ប៉ុន្តែក្រោយការព្យាបាលរយៈពេល ៤ថ្ងៃ អ្នកស្រីមិនអាចនិយាយ ឬកម្រើកដៃជើងបាននោះទេដោយសារកោសិកាប្រសាទបានខូចបាត់ទៅហើយ។

គួរបញ្ជាក់ថា ការធ្វើដូចនេះ ក៏ដោយសារតែចាញ់បោកការបំផុសបំផុលតាមអ៊ឺនធឺណិតដែលអះអាងថាទឹកស៊ីអ៊ីវអាចលាងសម្អាតពោះវៀននោះ ប៉ុន្តែការពិតវាមិនដូច្នេះទេហើយថែមទាំងនាំគ្រោះថ្នាក់ដល់ខ្លួនទៀតផង៕