រុស្ស៊ីបញ្ចេញយន្ដហោះចម្បាំងទម្ងន់ស្រាលថ្មី ហោះហើរលឿនជាងសំឡេង (មានវីដេអូ)
- 2018-12-13 03:25:04
- ចំនួនមតិ 0 | ចំនួនចែករំលែក 0
រុស្ស៊ីបញ្ចេញយន្ដហោះចម្បាំងទម្ងន់ស្រាលថ្មី ហោះហើរលឿនជាងសំឡេង (មានវីដេអូ)
ចន្លោះមិនឃើញ
ក្រសួងការពារជាតិរុស្ស៊ី បានបញ្ចេញវីដេអូនៃយន្ដហោះចម្បាំងទំនើបបំផុត និងស្រាលបំផុត MiG-35 ដែលកំពុងស្ថិតក្រោមការធ្វើតេស្ដហោះហើរ។
នៅក្នុងវីដេអូដែលទើបតែបញ្ចេញកាលពីពេលថ្មីៗនេះ យន្ដហោះ Mi-35 បានបញ្ចេញសមត្ថភាពពិសេសៗមួយដូចជាអាចបង្កើនរយៈកម្ពស់ហោះហើរបានលឿន និងអាចបត់បែនកោងខ្លាំងនៅលើអាកាស។ MiG-35 ត្រូវបានអភិវឌ្ឍឡើងដើម្បីបំពេញភារកិច្ចច្រើនយ៉ាងដូចជាផ្ទុកអាវុធឡាស៊ែរដើម្បីវាយប្រហារលើសត្រូវ, មីស៊ីលបាញ់ពីអាកាសទៅអាកាស និងមីស៊ីលពីអាកាសបាញ់ទៅដីជាដើម។ លើសពីនេះទៀត វាអាចហោះហើរក្នុងល្បឿនលឿនបំផុតរហូតដល់ ២ ១០០គីឡូម៉ែត្រក្នុងមួយម៉ោងនៅរយៈកម្ពស់ខ្ពស់។
ទោះយ៉ាងណាក៏ដោយ យន្ដហោះចម្បាំងថ្មីនេះ មិនទាន់ត្រូវដាក់ឲ្យបម្រើការក្នុងយោធារុស្ស៊ីនៅឡើយទេរហូតដល់ឆ្នាំ ២០២០ ដើម្បីជំនួសយន្ដហោះចាស់ ខណៈដែលប្រទេសជាច្រើនកំពុងចាប់អារម្មណ៍ចង់ទិញយន្ដហោះនេះពីរុស្ស៊ីផងដែរ៕
សូមទស្សនាវីដេអូខាងក្រោម ៖