ស្លុតចិត្ត! ធ្លាក់ខ្លួនឈឺ១រយៈខ្លីសោះ នាយក្តឹប ស្គមកំព្រឹងមើលមិនចង់ស្គាល់

2018-12-19 02:44:55
ចំនួនមតិ 0 | ចំនួនចែករំលែក 0

ចន្លោះមិនឃើញ

តារាកំប្លែងនាយក្តឹប បានធ្លាក់ខ្លួនឈឺធ្ងន់រហូតដល់សន្លប់កាលពីជាងពាក់កណ្តាល ខែវិច្ឆិកា កន្លងទៅ ដោយបច្ចុប្បន្នសុខភាពគ្រាន់បើបន្តិចហើយ តែរាងកាយលោកមានសភាពទ្រុឌទ្រោមជាខ្លាំង ពីមានសាច់ទ្រលុកទ្រលន់ មកជាស្គមស្គាំងដូចមនុស្សឈឺរាប់ឆ្នាំ។

បើតាមម្ចាស់គណនីហ្វេសប៊ុក San Sok Panha ដែលបានចុះទៅជួបនាយក្តឹប ដល់គេដ្ឋាននៅជិតវត្តខ្ទរ ម្តុំព្រែកលៀប បានបង្ហាញវីដេអូ Live ទាំងរូបភាព និងការសាកសួរខ្លះៗជាមួយ នាយ ក្តឹប និងភរិយា ថា ពេលនេះតារាកំប្លែងខាងលើអាចអង្គុយ និងនិយាយបានខ្លះៗហើយ។

ទោះបីជាបែបនេះក្តីរាងកាយនាយក្តឹប ស្គមស្គាំងខុសពីមុនឆ្ងាយណាស់ ចំណែកមួយចំហៀងខ្លួនស្ពឹកស្រពន់កម្រើកមិនបាននោះទេ។ អ្វីដែលរឹតសង្វេគទៀតនោះ នាយហូបអីមិនសូវបាននោះទេ ជំងឺនៅតែធ្វើទុក្ខរាល់ថ្ងៃ អង្គុយ ឬដេកមិនបានយូរទេ តម្រូវឲ្យភរិយាមើលថែទាំគ្រប់នាទី។

ក្រោយពីសម្រាកព្យាបាលនៅមន្ទីរពេទ្យកាល់ម៉ែត្រ និងប្រទេសវៀតណាម ក្រុមគ្រូពេទ្យបានរកឃើញថា នាយក្តឹប មានជំងឺជាច្រើនមួយមុខ ក្នុងនោះមានដូចជាជំងឺស្ពោតសរសៃឈាមខួរក្បាល ទឹកចូលសួត និងជំងឺបេះដូងជាដើម៕

អត្ថបទ៖ ដេត ធន្នី