ម្តងគេម្តងយើង! ចាប់បានគណនី Apple Music បង្ហោះផ្សាយដោយប្រើឧបករណ៍ Android

2018-12-19 11:51:00
ចំនួនមតិ 0 | ចំនួនចែករំលែក 0

ចន្លោះមិនឃើញ

កន្លងទៅយើងធ្លាប់បានឃើញក្រុមហ៊ុនស្មាតហ្វូន Android មួយចំនួនចៃដន្យបង្ហោះការផ្សព្វផ្សាយលើបណ្តាញសង្គម Twitter ដោយប្រើប្រាស់ម៉ាស៊ីន iPhone ប៉ុន្តែថ្មីៗនេះសម្រាប់គណនីផ្លូវការ Apple Music របស់ក្រុមហ៊ុនយក្សអាមេរិកក៏ត្រូវគេចាប់បានដូចគ្នាថាមានប្រើប្រាស់ឧបករណ៍ Android ដើម្បីចែកចាយព័ត៌មានរបស់ខ្លួន។

លោក Marques Brownlee បានបង្ហោះរូបភាពមួយសន្លឹកនៃការ Tweet របស់គណនី @AppleMusic ទាក់ទងនឹងអាល់ប៊ុមបទចម្រៀង Christmas & Chill កាលពីថ្ងៃទី ២ វិច្ឆិកា ដែល YouTuber រូបនេះចាប់បានថាគណនីនោះមានបង្ហោះចេញពីឧបករណ៍ Android ពិតមែន។ នេះក៏ជាភាពអាម៉ាស់មួយដែលបណ្តាបុគ្គលិករបស់ Apple បែរជាប្រើប្រាស់ផលិតផលគូប្រជែងខ្លួន។

ឆ្លើយតបនឹងរឿងរ៉ាវកាលពីសព្វមួយដង គណនីផ្លូវការ Samsung ក៏ធ្លាប់ផ្សព្វផ្សាយ Galaxy Note 9 ចេញពី iPhone ស្រដៀងគ្នានឹងគណនី Gal Gadot ដែលជាឯកអគ្គរដ្ឋទូតតំណាងឲ្យ Huawei ធ្លាប់បង្ហោះផ្សព្វផ្សាយទូរសព្ទ Mate 10 លើ Twitter ក៏មានប្រើ iPhone អ៊ីចឹងដែរ។